Әһли Бејт -АБНА- хәбәр аҝентлијинин вердији хәбәрә әсасән: Дахили Ишләр Назирлији Баш Мүһафизә Идарәсиндә даһа бир кадр дәјишиклији олуб.
Мәлумата ҝөрә, Баш Мүһафизә Идарәсинин рәис мүавини, полис полковники Јашар Нуријев тутдуғу вәзифәдән азад едилиб. Онун сәрәнҹамда олдуғу билдирилир. Ј. Нуријевин сәлаһијјәтләрини иҹра етмәк Бакы шәһәр Баш Полис Идарәсинин Иҹтимаи Тәһлүкәсизлик Идарәсинин рәис мүавини Дашгын Меһрәлијевә тапшырылыб.
Гејд едәк ки, бу, ҝенерал-мајор Јашар Әлијевин Баш мүһафизә Идарәсинә рәис тәјин едилдикдән сонра идарәдә һәјата кечирилән икинҹи кадр дәјишиклијидир. Белә ки, бир мүддәт әввәл Баш Мүһафизә Идарәсинин Һәјати Әһәмијјәтли Објектләрин Мүһафизәси үзрә Полис Алајынын командири, полис полковники Тапдыг Османов да тутдуғу вәзифәдән азад едилиб. Хачмаз Рајон Мүһафизә Идарәсинин рәиси, полис мајору Имран Маһмудов һәмин алајын командири вәзифәсинә тәјинат алыб.
Хатырладаг ки, Јашар Әлијев бир мүддәт әввәл Бакы Шәһәр Баш Полис Идарәсинин рәис мүавини вәзифәсиндән азад едиләрәк Баш Мүһафизә Идарәсинин рәиси вәзифәсинә тәјинат алыб.
P.S: Неҹә дејәрләр “Ит Итин Гујруғун Тапдаламаз!”
Диггәт: Хәбәрдән истифадә етдикдә мәнбәјә истинад лазымдыр
