Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда пневматик тапанча әлдә етмәк үчүн һәр һансы лисензијаја еһтијаҹ јохдур.
Азәрбајҹанын Дахили Ишләр Назирлијинин мәтбуат хидмәтинин рәис мүавини Еһсан Заһидов билдириб: «Истәнилән шәхс бу силаһы мағазадан әлдә едә биләр. Амма о, тәјинаты үзрә истифадә олунмалыдыр. Пневматик тапанча идман атышы вә ов үчүн нәзәрдә тутулуб. Иҹтимаи јерләрдә бу силаһы үзәриндә ҝәздирмәк, ондан инсанлара гаршы истифадә олунмасы гәти гадағандыр. Әкс тәгдирдә, силаһын саһиби Ҹинајәт Мәҹәлләсинин мүвафиг маддәсилә мәсулијјәтә ҹәлб олунмалыдыр», - дејә о, гејд едиб.
Е.Заһидовун сөзләринә ҝөрә, адәтән, бу силаһы сатан мағаза онун јени саһиби һагда һүгуг-мүһафизә органларыны мәлуматландырыр. Сатыш исә јалныз алыҹынын шәхсијјәт вәсигәси илә һәјата кечирилир.
Диггәт: Хәбәрдән истифадә етдикдә мәнбәјә истинад лазымдыр
