Әһли Бејт -АБНА- хәбәр аҝентлијинин вердији хәбәрә әсасән: Бу ҝүн кечирилән парламент сечкиләриндә тарихи гәләбә газанан Әдаләт вә Инкишаф Партијасынын лидери, баш назир Рәҹәб Тајјиб Әрдоған һәр сечкидән сонракы мәшһур "балкон чыхышы"ны едиб.
"БАКЫДАН ЛЕФКОШАЈА...."
Әрдоған лидери олдуғу Әдаләт вә Инкишаф Партијасынын Анкарадакы гәрарҝаһынын гаршысына топлашан онминләрлә инсана хитаб едиб. Баш назир "Әзиз милләтим, севҝили гардашларым, дәјәрли јол јолдашларым" дејә башлајан чыхышыны саламлама илә давам етдириб: "81 вилајәтимизи, 780 мин квадрат километрин тамамыны, 74 милјон Түркијә вәтәндашыны севҝи вә сајғыјла саламлајырам. Мелбурнднан Берлинә, Токиодан Вјанаја, Парисдән Торонтоја бүтүн јурддашларымы саламлајырам. Ҝөзләрини Түркијәјә чевирән, Түркијәдән ҝәләҹәк хәбәрләри һәјәҹанла изләјән Бағдад, Гаһирә, Дәмәшг, Әмман, Бакы, Сарајево, Лефкошаја гәдәр дост вә гардаш өлкә халгларыны мәһәббәтлә саламлајырам. 12 ијун сечкиләринин нәтиҹәләри халгымыза, бөлҝәмизә, дүнјаја хејирли олсун. Бу нәтиҹәләр сүлһә, әдаләтә, сабитлијә вә әмин-аманлыға төһфә версин. Бүтүн милләтимә сечкиләрдә иштирак бахымыдан ҝөстәрдикләри ҹәсарәт вә ҹиддијјәтләринә ҝөрә тәшәккүр едирәм".
"МИЛЛӘТ МӨҺҮРҮ ӘЛИНӘ АЛДЫ, СОН СӨЗҮ ДЕДИ"
Баш назир Түркијәдә һәр ики сечиҹидән биринин сәсини алманын һәјәҹаныны јашадыгларыны сөјләјиб. Чыхышынын бу мәгамында гәләбәликдән јүксәлән "гысгананлар чатласын" шүарларына "Чатламасынлар" дејә реаксија верән Әрдоған "онлары да гуҹаглајаҹағыг" дејиб: "Онлары да арамыза алаҹағыг. Гуҹагладығымыз үчүн демократија тарихимиздә, чохпартијалылыг тарихиндә надир растланан шәкилдә үчүнҹү дөнәм милләтимиздән сәлаһијјәт алманын һәјәҹаныны јашајырыг. Биз вурмаға дејил, севмәјә ҝәлдик. Бунун гаршылығыны алдығымыз заман бу јола давам едәрик. Әвәзини ҝөрмәдијимиз заман да ҹавабыны верәр, кечәрик. 2007-ҹи илдә 16 милјон инсанын сәсини алмышкән, бу ҝүн сәсимизи 5 милјон артырараг 21 милјон сечиҹинин сәсини алманын бәхтијарлығы ичиндәјик. Биз сизләрлә гүрур дујуруг. 22 ијул сечкиләринә ҝөрә сәс фаизимизи артырманын һәјәҹаныны јашајырыг. Әзиз милләтимизә бизә олан ҝүвәнинә ҝөрә ајрыҹа тәшәккүр едирик. Бүтүн сәмимијјәтимлә ифадә едирәм, АК Партијаја сәс вермиш олсун, олмасын, 12 ијун 2011 сечкиләринин галиби һеч шүбһәсиз, Түркијәдир, бу әзиз милләтимдир. Бу ҝүн бир даһа Түркијә газаныб. Бу ҝүн бир даһа демократија газаныб. Бу ҝүн бир даһа милли ирадә газаныб. Милләт газаныб. Милләт бу ҝүн мәнтәгәјә ҝедиб, мөһүрү әлинә алыб, сон сөзү сөјләјиб, сон гәрары вериб. Бүтүн дискуссијалара, бүтүн суал ишарәләринә, бүтүн тәрәддүдләрә вә ҝәрҝинликләрә сон нөгтәни гојуб. Бу ҝүн түрк гардашым, күрд гардашым, заза, әрәб, лаз, ҝүрҹү, роман гардашларым - 74 милјон газаныб. Ишчиләр газаныб. Мәмурлар, пенсијачылар, кәндчиләр, әнҝәллиләр газаныб. Ҝәнҹ гардашларымыз, ушагларымыз газаныб. Јохсул гардашым, кимсәсиз гардашым газаныб. Глобал мигјасда мәзлумларын үмиди газаныб. Бу ҝүн Истанбул гәдәр Сарајево газаныб, Измир гәдәр Бејрут газаныб, Анкара гәдәр Дәмәшг газаныб, Дијарбәкир гәдәр Рамаллаһ, Триполи, Гәрби Шәриа, Гүдс, Гәзза газаныб. Түркијә гәдәр Орта Шәрг, Гафгаз, Балканлар, Авропа газаныб. Демократија, азадлыг гәдәр сүлһ, әдаләт, сабитлик газаныб. Бу милләтин бир өвлады олараг бөјүк бир гурула дејирәм: Түркијә бөлҝәсинә вә дүнјаја өрнәк тәшкил едәҹәк демократијаја наил олуб. Аллаһ онлардан разы олсун, мәканлары ҹәннәт олсун: Аднан Мендересин, Фатин Рүштү Зорлунун, Һасан Полатканын ҹанларыны фәда етдикләри демократија бу өлкәдә сарсылмаз ҝүҹә чатыр. Мәрһум Тургут Өзалын хәјаллары артыг јерини тапыб. Гази Мустафа Камал вә јолдашларынын гурдуглары Түркијә Ҹүмһуријјәти гурулуш фәлсәфәсинә ујғун шәкилдә ҝүҹлү демократијасы илә модерн ҹәмијјәт сәвијјәсинә чатыб. Ҹанларыны, азадлыгларыны итирән бүтүн гардашларымызын руһу бир аз да олса шад олуб".
Диггәт: Хәбәрдән истифадә етдикдә мәнбәјә истинад лазымдыр
