Әһли Бејт -АБНА- хәбәр аҝентлијинин вердији хәбәрә әсасән: Мәркәзин рәсми информасија ресурсундан верилән ачыгламда билдирилир: "Ҹамиәмыздән ики милләт вәкилинин сечилмәсинин ҹошгусу Игдыр вә Истанбулда јашаныр
Мәркәзин рәсми информасија ресурсундан верилән ачыгламда билдирилир: "Ҹамиәмыздән ики милләт вәкилинин сечилмәсинин ҹошгусу Игдыр вә Истанбулда јашаныр. Истанбулун дөрд бир јанындан "Зејнәбијјә"јә ҝәлән минләрлә инсан бирбириләрини тәбрик едир, севинҹ нүмајиш етдирирләр. Түркијәли Ҹәфәриләр анајасанын мүзакирә едиләҹәји јени мәрһәләдә мәҹлисдә тәмсил олунманын һаглы гүруруну јашајырлар".
12 ијун базар ҝүнү ахшам саатларындан етибарән Зејнәбијјә Ҹамеси әтрафында топланан минләрлә инсан бирлик вә бәрабәрлик шүарлары илә ҹошгуларыны дилә ҝәтирибләр. Ахшам намазында "Зејнәбијјә Ҹамиси"ни долдуран инсанлар намаздан сонра Түркијә ҹәфәриләри лидери Сәлаһәддин Өзҝүндүзүн нитгини динләјиб.
Чыхышында вәһдәт вә бәрабәрлијин әһәмијјәтинә тохунан Өзҝүндүз Зејнәбијјәлиләри мәтанәтли дурушларындан өтрү тәбрик едәрәк демишдир: "Бизим бирлијимиз кимсәјә гаршы дејилдир. Биз даһа ҝениш бир шәкилдә вәһдәти тәмин етмәк үчүн дахили бирлијимизә диггәт едирик. Ҝази Мәҹлисимизә вердијимиз бир мәрһәләлик фасиләдән сонра бири шәргдән, бири гәрбдән олмагла ики ҝәнҹ, динамик вә ағыллы вәкил ҝөндәририк. Биз кимсәнин тәзјиги алтына ҝирмәдик, ҝирмәрик. Һагг етдијимиз ики вәкил дејил, ән азы беш гатыдыр"..
Чыхышы заманы С.Өзҝүндүзүн сөзләри тез-тез салават вә тәкбирләрлә кәсилиб. Онун чыхышындан сонра мәрасим иштиракчылары Зејнәбијјә күчәсини долдурараг ҹамеәнин јени сечилмиш милләт вәкили Әли Өзҝүндүзү тәбрик етмишләр.
Диггәт: Хәбәрдән истифадә етдикдә мәнбәјә истинад лазымдыр
