Әһли Бејт -АБНА- хәбәр аҝентлијинин вердији хәбәрә әсасән: Јәмәндә дурум конкрет дәјишилмәкдәдир. Ајлардыр президентин истефасы тәләбилә митингләр кечирән мүхалифәт тәрәфдарлары президент игамәтҝаһына артиллерија зәрбәләри ендириб.
"Әл Әрәбијјә" билдирир ки, Јәмән президенти Әли Абдулла Салеһин евиндән гачаркән ҝүлләләндији барәдә хәбәрләр һәләлик һакимијјәт тәрәфдарлары тәрәфиндән тәсдигләнмәјиб.
Сон мәлуматлара ҝөрә, президент игамәтҝаһынын атәшә тутулмасы нәтиҹәсиндә јахынлыгдакы "Мәсҹид Дар" мәсҹидинә дә артиллерија мәрмиләри дүшүб. Бунун нәтиҹәсиндә президент Әли Абдулла Салеһ, Президент Гвардијасынын 4 һәрбчиси, баш назирин мүавини вә парламентин спикери дә јараланыблар.
Јәмән президентинин јүнҝүл јараландығы билдирилир.
Президент игамәтҝаһыны атәшә тутанлар Јәмәнин ән бөјүк тајфасы олан "һәшед"ин рәһбәри, шејх Садег әл Әһмарын дөјүшчүләридир.
Јәмән президенти Әли Абдулла Салеһә садиг гошунлар вә шејх Әһмарын дөјүшчүләри арасындакы тоггушмаларда 150 нәфәр һәлак олуб.
Јараланмыш баш назирин мүавини әл Алими вә парламентин спикери Јәһјанын вәзијјәти орта ағырдыр.
Јәмән президенти игамәтҝаһына едилән телефон зәнҝләринә һеч ким ҹаваб вермир.
Диггәт: Хәбәрдән истифадә етдикдә мәнбәјә истинад лазымдыр
