Әһли Бејт -АБНА- хәбәр аҝентлијинин вердији хәбәрә әсасән: Вәкил Елчин Намазов мајын 3-дә вердији ачыгламасында билдириб ки, тәҹридхана рәһбәрлији руһаниләрин просесә чыха билмәләри үчүн аксијанын дајандырылмасыны тәкид едир.
Ҝәнҹәдәки 2 сајлы Истинтаг Тәҹридханасында сахланылан руһаниләрин ишинә шәһәрин Низами Рајон Мәһкәмәсиндә бахылыр. Азәр Ҹәбијевин нөвбәти мәһкәмәси мајын 4-дә, Фәхри Илјасовун мәһкәмәси мајын 6-да кечириләҹәк. Јанварын 16-дан һәбсдә олан руһаниләр аҹлыг аксијасы кечириб сијаси сифаришлә тутулдугларыны иддиа едирләр.
Елчин Намазов гејд едиб ки, руһаниләрдә үмуми һалсызлыг олдуғу үчүн јатагдан галхмалары чәтинләшиб: “Үзәрләриндә һәким нәзарәти вар”.
Азәр Ҹәбијев вә Фәхри Илјасов Ҹинајәт Мәҹәлләсинин 221.3-ҹү маддәси илә (хулиганлыг, силаһдан вә ја силаһ гисминдә истифадә едилән әшјалары тәтбиг етмәклә төрәдилдикдә) иттиһам олунурлар.
Диггәт: Хәбәрдән истифадә етдикдә мәнбәјә истинад лазымдыр
