Әһли Бејт -АБНА- хәбәр аҝентлијинин вердији хәбәрә әсасән: Буилки Һәҹҹ зијарәти заманы азәрбајҹанлы зәвварларын Мина, Мүздәлифә әразиләринә гатарла чатдырылмалары илә бағлы разылашма әлдә олунуб.
Сәудијјә Әрәбистанында сәфәрдә олан Гафгаз Мүсәлманлары Идарәсинин (ГМИ) сәдри Шејхүлислам Аллаһшүкүр Пашазадә бу ҝүн Ҹиддә шәһәриндә Ислам Конфрансы Тәшкилатынын мәнзил-гәрарҝаһында ИКТ-нин Баш катиби Екмәләддин Иһсаноғлу илә ҝөрүшүб.
Ҝөрүш заманы бир сыра мәсәләләр, о ҹүмләдән сон заманлар Јахын Шәргдә, Шимали Африкада ҹәрәјан едән просесләр, онларын Ислам дүнјасына тәсирләри әтрафында фикир мүбадиләси апарылыб.
Сәудијјә Әрәбистанынын Мәдинә шәһәриндә А. Пашазадәнин краллығын Һәҹҹ назиринин мүавини илә кечирдији ҝөрүшдә исә Азәрбајҹанла Сәудијјә Әрәбистаны арасында мәнәви әлагәләрин ҝенишләндирилмәси перспективләри, хүсусән Азәрбајҹандан Һәҹҹ зијарәтинә ҝәлән зәвварларын бурада галма шәраитләри, зијарәтләрини даһа раһат шәраитдә һәјата кечирмәләри илә бағлы мәсәләләрин деталлары мүзакирә олунуб.
Буилки Һәҹҹ зијарәти заманы азәрбајҹанлы зәвварларын Мина, Мүздәлифә әразиләринә гатарла чатдырылмалары илә бағлы разылашма әлдә олунуб, тәјјарәләрин учушу заманы ҝеҹикмә проблеминин минимума ендирилмәси јөнүндә данышыглар апарылыб.
Диггәт: Хәбәрдән истифадә етдикдә мәнбәјә истинад лазымдыр
