Әһли Бејт -АБНА- хәбәр аҝентлијинин вердији хәбәрә әсасән: Сәудијјә Әрәбистанында крал рәһбәрлијинин хәбәрдарлығына бахмајараг, өлкәнин 200-ә гәдәр шиәләрдән ибарәт вәтәндашлары аксија кечириб. Өлкәнин шәргиндә јерләшән Катиф вилајәтиндә топланан сакинләр, "Азадлыг истәјирик" шүарлары сәсәләндириб. Бу ҝүнү "Гәзәб ҝүнү" елан едән нүмајишчиләр, аксија заманы тәһлүксизлик гүввәләри тәрәфиндән вәһшиҹәсинә дөјүлүб.
Гејд едәк ки, Сәудијјә Әрәбистанынын хариҹи ишләр назири Сәуд әл-Фејсәл, "Гәзәб ҝүнү" илә әлагәдар чыхыш едәрәк нүмајишчиләри тәһдид едиб. Халгы һәдәләјән хариҹи ишләр назири Сәуд әл-Фејсәл, өлкәнин ислаһ олунмасы үчүн ән јахшы јолун диалог олдуғуну билдириб. О, нүмајишләрин һеч бир һалда јол верилмәз олдуғуну гејд едиб. Мәккә шәһәриндә тәшкил олунмуш конфрансда чыхыш едән Сәуд әл-Фејсәл, өлкәсинә јөнәләҹәк һәр бир нүмајишин гаршысыны алаҹагларыны сөјләјиб.
Диггәт: Хәбәрдән истифадә етдикдә мәнбәјә истинад лазымдыр
