Әһли Бејт -АБНА- хәбәр аҝентлијинин вердији хәбәрә әсасән: АХҸП сәдринин мүавини Рази Нуруллајев билдириб: Азәрбајҹан Халг Ҹәбһәси Партијасы (АХҸП) күтләви аксијалара март ајынын сону, апрелин ајынын әввәлләриндә башлајаҹаг.
Онун сөзләринә ҝөрә, күтләви аксијаларда бирләшмә вә сәрбәст топлашма азадлығынын тәмин олунмасы, һәбсдә олан журналист вә сијаси мәһбусларын азадлыға бурахылмасы, сосиал әдаләтин вә коррупсијанын арадан галдырылмасы тәләбләри илә шүарлар сәсләндириләҹәк: “Биз бунунла бағлы Бакы Шәһәр Иҹра Һакимијјәтинә мүраҹиәт едәҹәјик. Гәрара ҝәлмишик ки, Иҹра Һакимијјәти иҹазә вермәсә, аксијалары иҹазәсиз олараг кечирәк”
Р. Нуруллајев аксијалара Иҹтимаи Палатанын гошулаҹағына үмид етдијини дә билдириб: “Үмид едирик ки, бу аксијаларын һамысына Иҹтимаи Палатаја дахил олан партијалар да гатылаҹаг вә аксијалар Иҹтимаи Палатанын адындан кечирилсин. Чүнки тәк әлдән сәс чыхмаз. Биз кимлијиндән асылы олмајараг, бүтүн сијаси гүввәләрин сијаси тәмәркүзләшмәсинин марағындајыг”.
Иҹтимаи Палатанын (ИП) үзвү, Мүсават Партијасы Мәркәзи Иҹра Апаратынын рәһбәри Ариф Һаҹылы исә дејиб ки, гаршыдакы ајларда күтләви аксијаларын кечирилмәси мүхтәлиф партијаларын структурларында мүзакирә олунур: “Бу мәсәлә илә бағлы Иҹтимаи Палатанын јанварын 29-да кечирилмиш сессијасында да фикир мүбадиләси апарылыб вә јәгин ки, заманы јетишәндә күтләви аксијалар башлајаҹаг”.
Диггәт: Хәбәрдән истифадә етдикдә мәбәјә истинад лазымдыр
