Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Дахили Ишләр Назирлији (ДИН) Масаллыда ҝөркәмли дин хадиминин һәбси илә бағлы мәлумат ачыглајыб. Назирлијин мәтбуат хидмәтинин рәис мүавини Еһсан Заһидов билдириб ки, ДИН-ин Баш Мүтәшәккил Ҹинајәткарлыгла Мүбаризә Идарәси рајон Полис Шөбәси әмәкдашлары илә бирҝә, әлдә олунан әмәлијјат мәлуматы әсасында Масаллы рајон сакини, ҝөркәмли дин хадими 55 јашлы Фәрамиз Аббсовун јашадығы үнвана бахыш кечирилиб. Бу заман Ф. Аббасова мәхсус һәјәтдә јерләшән јардымчы тәсәррүфатда (јәни төвләдә) намәлум шәхсләр тәрәфиндән ҝизләдилмиш, 1 әдәд “АК-74” автоматы, 1 әдәд наган типли тапанча, 20 әдәд гумбара, 20 әдәд алышдырыҹы, 7 әдәд 400 грамлыг вә 1 әдәд 200 грамлыг тратил шашкалар, 3 әдәд ҝүллә дарағы вә 70 әдәд патрон ашкар едиләрәк ҝөтүрүлүб. Фактла әлагәдар Ф. Аббасов шүбһәли шәхс гисминдә сахланылыб.
Диггәт: Хәбәрдән истифадә етдикдә мәнбәјә истинад лазымдыр
