Әһли Бејт -АБНА- хәбәр аҝентлијинин вердији хәбәрә әсасән: Нәсими Рајон Мәһкәмәсинин Мөвсүм Сәмәдов барәдә јанварын 20-дә чыхардығы гәрарда онун Бакы Истинтаг Тәҹридханасында сахланылмалы олдуғу ҝөстәрилиб. ФактХебер.ҹом-ун вердији мәлумата ҝөрә, һәмин гәрардан 4 суткадан артыг вахт кечмәсинә бахмајараг, Дахили Ишләр Назирлијинин Баш Мүтәшәккил Ҹинајәткарлыгла Мүбаризә Идарәсиндән онун көчүрүлмәси тәмин олунмајыб. Бунунла бағлы Азәрбајҹан Ислам Партијасынын һәбсдә олан сәдри Мөвсүм Сәмәдовун вәкили Анар Гасымовла әлагә сахладыг. АИП сәдринин вәкили Анар Гасымов да мәсләдән хәбәрдар олдуғуну сөјләди вә бу гәрарын ганунсуз олдуғуну билдирди. "Ҹинајәт Просессуал Мәҹәлләдә ҝөстәрилиб ки, мәһкәмәнин гәрары чыхдыгдан 24 саат сонра мүтләг шәхсин көчүрлүмәси тәмин олунмалыдыр. Јәни Мөвсүм Сәмәдов мәһкәмәнин гәрарындан сонра, Баш Мүтәшәккил Ҹинајәткарлыгла Мүбаризә Идарәсиндә олмамамылыдр. Әҝәр һүгугларыны мүдафиә етдијим шәхс һәлә дә орда сахланылырса, бу ганунларын позулмасы демәкдир. Мән бунунла бағлы Республика Прокурорлуғу јанында јарадылмыш истинтаг групунун рәһбәри Меһди Мирзәјевә вәсатәтлә мүраҹиәт етмишәм. Бу пробемә тез бир заманда ајдынлыг ҝәтирилмәлидир"-дејә Анар Гасымов әлавә едиб.
Диггәт: Хәбәрдән истифадә етдикдә мәнбәјә истинад лазымдыр
