Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан һиҹаб гадағасы илә башлајан, сонда партија сәдри вә илаһијјатчы алимләрин һәбс олунмасы илә давам едән тәзјигләрә етираз бәјанатлары бир-биринин ардынҹа ҝәлмәкдәдир. Әввәлҹә өлкә иҹтимаијјәти, танынмыш партија сәдрләри вә јерли мүхалифәт нүмајәндәләри Азәрбајҹан Ислам Партијасынын(АИП) сәдри Мөвсүм Сәмәдов вә араларында илһаијјатчы алим олмагла инанҹлы шәхсләрин сахланылмасына өз етиразыны билдирмиш. Ардынҹа исә Азәрбајҹанда диндар кәсимә гаршы давам едән тәзјигләр хариҹи өлкәләр тәрәфиндән дә писләнмәјә башламышдыр. Артыг бу ҝүнә гәдәр бир чох партија вә инсан һагглары тәшкилатлары Азәрбајҹандакы диндарларын репресијасыны писләјән бәјанатла чыхыш едиб. Бу ҝүнләрдә онларын арасына Авропа Түрк Әһли-Бејт Алимләри Бирлији (АТЕАБ) дә дахил олуб. АТЕАБ тәрәфиндән јајылан бәјанатда өлкәдәд
Бәјанатда дејилир:
"Бисмилләһир-раһмәнир-раһим
Азәрбајҹан һөкумәтинин сон заманларда мүсәлман Азәрбан халгына гаршы тәзјигләрини сәрт шәкилдә гынајыр вә бу тәзјигләрин тез бир заманда дајандырлмасыны хаһиш едирик. Өлкәнин торпаглары ишғалчы Ермәнистанын тапдағы алтында олдуғу мүддәтдә, јерли һөкумәтин мүсәлманлара гаршы тәзјиги анлашылан дејил. Империалист сијасәтин символу сионистләрин һијлә вә ојунларыјла мүгәддәс мәканлара, гијмәтли алимләрә, мүтәфәккирләрә, мүсәлман фәаллара вә мүсәлман баҹыларымызын иффәт символу һиҹабларына гаршы давам етдирилән тәзјиг вә зүлмләрә сәссиз гала билмәјәҹәјимизи гијмәтли Азәрбајҹан халгына билдирир, дәрдләрини, чәтинликләрини пајлашдығымызы вә јанларында олдуғумузу бәјан едирик".
Хатырладаг ки, бәјанатда һәмчинин бүтүн Ислам вә гејри-Ислами инсан һаглары ҹәмијјәтләриндән вә тәшкилатларындан бу мәсәләјә етираз едилмәси тәләб олунур.
Диггәт: Хәбәрдән истифадә етдикдә мәнбәјә истинад лазымдыр
