Әһли Бејт -АБНА- хәбәр аҝентлијинин вердији хәбәрә әсасән: Бир нечә ҝүндүр Азәрбајҹан мәтбуатында јајылан мәлумата ҝөрә, ҝүја диндарлар Бинәгәди рајону, Хоҹәсән гәсәбәсиндә јерләшән 103 сајлы орта мәктәбә һүҹум едәрәк мәктәбин шүшәләрини сындырыблар. Шајеә илә бағлы Фактхеберин ишҝүзарлары мәсәләни арашдырдылар.
Хоҹасән кәндиндә јерләшән мәсҹидин
ахунду илә ҝөрүшдүк. Ахунд Телман Әсәдуллајев мәтбуатда јајылан мәлуматлара мүнасибәт
билдирәрәк, бунлары деди: “Диндарлар мәктәбә һүҹум етмәјибләр. Мәтбуатда јајылан
хәбәрләрдә дејилирди ки, ҝуја мәктәбдә диндарларла полисләр арасында гаршыдурма
олуб. Һәмин ҝүн мән дә өвладымын мәктәбә бурахылмамасы илә әлагәдар мәктәбә ҝетмишдим.
Мәнимлә бирликдә ҹәми 3 нәфәр диндар валидејн ҝәлмишди. Биз орда олан мүддәтдә саһә
мүвәккили ҝәлди. Бизә деди ки, бизә мәктәбдә гаршыдурма баш вермәси илә бағлы мәлумат
дахил олуб. Һалбуки, һәмин мүддәтдә орда һеч бир гаршыдурма баш вермәјиб. Биз садәҹә
олараг өвладларымызы дәрсә бурахылмамасынын сәбәбини арашдырмаға ҝетмишдик. Бундан
әлавә дејирләр ки, ҝуја диндарлар мәктәбин шүшәләрини сындырыб. Мәктәбин ҹәми бир
шүшәси гырылыб. Мәктәбин мүһафизәчиси вә гоншулар дејирләр ки, шүшәни ики нәфәр
азјашлы гырараг гачыблар. Мәтбуатда јајылан бүтүн бу хәбәрләр јаландыр вә кәнд диндарлары
дејилән әмәлләрин һеч бирини еләмијибләр.”
Бундан сонра мәсәләни даһа да дәгигләшдирмәк
үчүн Хоҹасән гәсәбәсиндә јерләшән 103 сајлы мәктәбдә олдуг. Мәктәбин бир шүшәси
гырылмышды.
Сонра бизә јахынлашан мәктәбин
тәлим-тәрбијә ишләри үзрә директор мүавини Вагиф мүәллим мәтбуатда јајылан бүтүн
мәлуматлары тәкзиб едәрәк, һеч бир гаршыдурманын вә диндарлар тәрәфиндән мәктәбә
һүҹумун олмадығыны билдирди. Сонра Вагиф мүәллим мәктәбин шүшәсинин ким тәрәфиндән
сынмасыны билмәдијини дә сөјләди.
јазыны јерләшдирәркән редаксијамыз
зәнҝ едән Хоҹаһәсән сакин билдирди ки, гәсәбә диндарлары Һаҹы Вүгар, јусиф вә Һаҹы Телман Әсәдуллајев 40-ҹы полис бөлмәсинә
апарылыблар.
Диггәт: Хәбәрдән истифадә етдикдә мәнбәјә истинад лазымдыр
