Әһли Бејт -АБНА-хәбәр аҝентлијинин вердији хәбәрә әсасән: Дүнән Ислам Маарифиндә Елми Арашдырма Мәркәзинин тәшкилатчылығы Медиа Мәркәзиндә һиҹаб гадағасына етираз олараг дәјирми маса тәшкил едилиб. Дәјирми масада Азәрбајҹанын мүхтәлиф бөлҝәләриндән ҝәлмиш 40-дан чох дин хадими иштирак едиб.
Дәјирми маса иштиракчылары Тәһсил Назирлији тәрәфиндән орта мәктәбләрдә һиҹабын гадаған олунмасыны кәскин шәкилдә писләјәрәк, бу гадағаны Аллаһын әмрләринә гаршы атылан аддым кими гијмәтләндирибләр.
Дәјирми масаны ҝириш сөзү илә ачан Ислам Маарифиндә Елми Арашдырма Мәркәзинин рәһбәри Илһам Әлијев сон заманлар өлкәдә Ислама гаршы басгыларын артдығыны дејәрәк, һиҹаб гадағасында бу басгыларын тәркиб һиссәси олдуғуну билдирди: “Бура бизи топлашмаға сөвг едән чох тәәссүф ки, кәдәрләндириҹи бир проблемдир. Бу чох аҹынаҹаглы бир вәзијјәтдир. Өлкәмиздә һиҹаба гаршы атылан пиллә-пиллә аддымлар артыг тәһсилдә өзүнү ҝөстәрир. Исламдан анлајышы олмајанлар һиҹабын ваҹиб олуб-олмамасыны мүзакирә едирләр. Буну бирдәфәлик билмәлидирләр ки, бизим белә шәрһләрә еһтијаҹымыз јохдур. Бизим өз алимләримиз кифајәт гәдәр бу барәдә ачыглама верибләр”
Бундан сонра И.Әлијев КИВ-дә бәзи зијалыларын һиҹаб гадағасына гејри-гануни һагг газандырмасыны писләјәрәк, һиҹабын Аллаһын дәјишмәз әмри олдуғуну гејд етди.
Илһам Әлијев бәзи информасија васитәләриндә сәсләнән “һиҹаб Гуранда пејғәмбәрин ханымларына аиддир, һиҹаб Гуранда ваҹиб едилмәјиб” кими фикирләрә мүнасибәт билдирәрәк, бу ҹүр фикирләрин Ислам вә Гуран мәнтигинә зидд олдуғуну вурғулады.
Бундан сонра тәдбир иштиракчылары һиҹаб гадағасыны кәскин формада писләдиләр. Дәјирми масанын сонунда бәјанат гәбул олунду.
Бундан сонра мәсәләјә мүнасибәт билдирән илаһијјатчы Һаҹы Әли Әлијев Гуран ајәләри васитәсилә һиҹабын бүтүн ханымлара ваҹиб олдуғуну изаһ етди: “Бура минбәр мәҹлиси дејил вә биз мүәјјән гәдәр конкрет нүанслара тохунмалыјыг. Она ҝөрә дә мән әсасән медианин бу мәсәлә илә бағлы сәрҝиләдији мөвгедән данышмаг истәјирәм. Медиада кечмиш комсомолчуларын муасирләрини хатырладан озүнү зијалы адландыранлар һәтта Гуран ајәләрини тәһриф етмәкдән белә чәкинмирләр. Бунунла јанашы онлар өзәрини мүсәлман адландырырлар. Аллаһ таала бизә ачыг ајдын бәјан етдији ајәләри онлар бәјәнмәјиб, дүзәлишләр етмәјә ҹәһд едирләр. Биз Аллаһын әмрләрини јахшы гаврамагла јанашы бу инсанларын тәһрифләринин әслиндә нәјә хидмәт етдијини јахшы билирик вә биз өз һагг мүбаризәмиздә сонуна гәдәр галаҹағыг”
Масаллы руһаниси Һаҹы Сәрдар да һиҹаб гадағасыны сәрт тәнгид едәрәк дејиб: "Бизим бурада топлашараг өз фикирләримизи билдирмәјимизә имкан верән конститутсија ејни заманда һаггында данышдығымыз һиҹабын да азадлығына тәминат верир. Бу мүстәгил дөвләтимизин конститусијасыдыр. Тәһсил Назирлији тәрәфиндән орта мәктәбләрдә һиҹабын гадаған олунмасыны, милли мәнәви вә дини дәјәрләримизә гаршы атылан бир аддымдыр. Ишғала мәруз галмыш, мүһарибә тәһлүкәси, 1 милјона јахын гачгыны олан бир өлкәдә сон дөврләрдә ислама тәзјиг баш галдырмышдыр. Исламафобијанын һеч бир һалда гәбул олунмаздыр. Бу ҹүр гадағалар иҹтимаијјәтин фикрини тәһсилдә баш галдырымыш рүшвәтхорлугдан, әхлагсызлыгдан јајындырмаг үчүндүр. Бу ҹүр гадағалар илә һеч вахт разылашмајаҹағыг."
Һиҹаб гадағасына етиразыны билдирән Ҝәнҹә дин алими Илјасов Фәхри, һиҹабын мүсәлманларын гејрәт, иффәт символу олдуғуну билдирди. Мүсәлманларын иффәтинә вә гејрәтинә әл атанларнан һәр вахт мүбаризә апараҹагларыны дејән Һаҹы Фәхри, өлкәдә һиҹаб әтрафында баш вермиш проблемин јеҝанә һәлли јолунун бу гадағанын ләғв едилмәси олдуғуну гејд етди.
Сонра мәсәләјә мүнасибәт билдирән дини алими Нәфтуллајев Васиф, бу ҹүр мәнәвијјатсызлыға сүрүкләјән ганунларын ҹәмијјәтимизә тәтбиг олунмасында гәрбин әли олдуғуну деди. Бу ҹүр аддымлар гәрбин мүстәмләкәчилик сијасәтинин тәркиб һиссәси олдуғуну дејән Һаҹы Васиф, бу ҹүр аддымлары ислам дүшмәнләри тәрәфиндән халгымызын мәнәвијјатына јөнәлдилмиш бир аддым олдуғуну сөјләди.
Сонда һиҹаб гадағасына етиразыны билдирән Тәкамүл тәрҹүмә мәркәзинин рәһбәри Һаҹы Ҹејһун Ҹәфәров телевизија васитәсилә диндарлара гаршы јалан бөһтанларын атылдығыны деди. Бу бөһтанлардан бири ҝуја диндарлар өз ушагларыны мәктәбләрә бурахмыр, икинҹиси исә диндар өз өвладларына һиҹабы мәҹбур едирләр. Әввәла мәктәбләрә гызларын ҝетмәсинә диндарлар јох тәһсил ишчиләри маничилик төрәдирләр. Биз диндар олараг өвладымызы мәктәбин гапысына гәдәр апарырыг. Өвладларымызын дәрсләрдә иштирак етмәсинә тәһсил ишчиләри манеә төрәдир. Икинҹи мәсәлә исә мәҹбуријјәт мәсәләсидир. Ушагларын тәбиәти будур ки, ҝәрәк онлар бир чох ишләрдә мәҹбур едилә. Мәҝәр ушагларын дәрман атмасына вә ја дәрс охумасына мәҹбуријјәтләр јохдур. Бу ҹүр һаллары нәзәрә алсаг ҝәрәк ки, ушагларын дәрман гәбул етмәсинә вә дәрс охумасына мәҹбур едилмәси һаггында ганун тәртиб едәк.
Тәдбирин сонунда бәјанат гәбул олунуб. Бәјанатда дејилир:
"Әзиз һәмвәтәнләримиз, Азәрбајҹан халгынын инанҹлы инсанлары, баҹы вә гардашлар. Бу ҝүн мүсәлманлар вә мүгәддәс Гурани-Кәрим, динимиз ислам дүшмәнләрин бәшәријјәти сүрәтлә мәһвә доғру апармаг истәјән сионист идеологларын һәдәфинә чеврилмишдир. Динимизә гаршы мүбаризәдә ајры-ајры өлкәләрә, халглара мүхтәлиф истигамәтләрдән зәрбәләр ендирилир, тәҹавүз вә ишғаллар һәјата кечирилир, сојгырымлар апарылыр, инсанларын мәнәвијјатыны позуҹу васитәләрлә ашындырмаға чалышырлар.
Өлкәмиздә дини атрибутлара гадағалар - азана, мәсҹидләрә, дини китаблара, алимләримизә гаршы атылан аддымлар, дини етигад азадлығы һаггындакы гануна мүртәҹе дәјишикликләр ҝөстәрир ки, өлкәмиз Ислам дүшмәни сајылан дүнја сионизминин нөвбәти һәдәфинә чеврилмишдир. Аллаһсыз совет режиминдән дә ирәли ҝедәрәк мүсәлман өлкәләрдә фитнә-фәсад јајанлар елә һәмин атеист “гочуларындан” истифадә едәрәк инди дә Аллаһын әмри илә вә Гурани-Кәримин “Нур” сурәсинин 31-ҹи ајәсиндә дејилдији кими мүсәлман ханым үчүн ваҹиб бујурулмуш, баш өртүјү һиҹаба гаршы гадағалар гојулур. Бу ҝүн һиҹаблы балаларымызын, синифләрә бурахылмамасыны, тәһсилдән сүни шәкилдә узаглашдырылмасыны халгымызын фаҹиәси кими гијмәтләндиририк. Һамыја јахшы бәллидир ки, бу ҝүн тәһсилдә, мәктәбләрдә хоша ҝәлмәјән һаллар баш верир. Мәнәвијјатсызлыг телевизијалар вә диҝәр електрон информасија васитәләри илә аиләләрә, орадан да мәктәбләрә јол тапыр. Тәһсилдә ади һал алан рүшвәтхорлуг, әлә-бахымлылыг, шаҝирд вә мүәллимләр арасында әтрафдакыларда шәһвани һиссләр јарадан һаллар да буна әлавә стимул верир. Мәһз һиҹаблы ханымлар бу кими фитнә-фәсадларын шаҝирдләр арасында јајылмасына бөјүк манеәдир. Чүнки нәзәримизҹә һәр бир валидејн өвладыны мәнәвијјатсыз, бәдбәхт дејил, савадлы ҝөрмәк истәјир, һиҹаб ҝејинмәк исә һәм дә бу фитнәләрдән хилас үчүн ән мүһүм амил кими валидејнләрин өвладларына мәсләһәти вә тәминатыдыр.
Халгымызын ҝәләҹәк өвладларына даһа мәсулијјәтли, өзүнү писликләрдән, фитнә-фәсадлардан горујан, иффәтли аналар арзусунда олмајанлар һиҹаба јасаг барәдә аддымларыны ҝери атмалыдырлар. Әкс һалда халгымыза онун пак ҝәләҹәјинә хаин мөвгедә дајананлар јалныз мүсәлман Азәрбајҹан халгынын гәними кими гијмәтләндирилмәли вә халгымызын дүшмәнләринә гаршы дүшмән мөвге сәрҝиләнмәлидир.
Бу ҝүн өлкәмизин мүсәлман балаларынын - ханымларын күтләви шәкилдә һиҹаб ҝејинмәмәләринин бир сәбәби дини маарифләндирмәнин гаршысынын алынмасы, мүхтәлиф мүртәҹе ганунлар гәбул етмәклә ислам алимләринин азад фәалијјәтинә манеә јарадылмасыдырса, диҝәр сәбәб Ислам дүшмәнләринин өлкәмиздә хәбис нијјәтләрә өлчүлмүш һијләҝәр аддымларынын маһијјәтиндән хәбәрсизликдир. Биз халгымызын һәјатына нүфуз едән бу хәбис әлләрин кәсилмәсини тәләб едир, динимизи азад ҝөрмәк истәјирик."
Диггәт: Хәбәрдән истифадә етдикдә мәнбәјә истинад лазымдыр
