Әһли Бејт -АБНА- хәбәр аҝентлијинин вердији хәбәрә әсасән: Шәмкир рајон Прокурорлуғундан јајымланан мәлуматда бидирилир ки, Шәмкир рајонунда гәтл һадисәси төрәдилиб. Һадисә рајонун Дәлләр-Ҹәјир кәндиндә гејдә алыныб.
Кәнд сакини, 32 јашлы Чәркәз Ибраһимов мүбаһисә зәмининдә кичик гардашы, 29 јашлы Елсевәр Ибраһимову бычаглајыб. Е. Ибраһимов тәҹилли олараг хәстәханаја чатдырылса да, алдығы хәсарәт ағыр олдуғундан онун һәјатыны хилас етмәк мүмкүн олмајыб.
Һазырда полис һадисәни төрәдән Ч. Ибраһимовун јахаланмасы истигамәтиндә әмәлијјат-ахтарыш тәдбирләри һәјата кечирир.
Фактла бағлы Шәмкир рајон Прокурорлуғу тәрәфиндән Ҹинајәт Мәҹәлләсинин 120.1-ҹи (гәсдән адам өлдүрмә) маддәси илә ҹинајәт иши башланыб, истинтаг тәдбирләри давам етдирилир.
Диггәт: Хәбәрдән истифадә етдикдә мәнбәјә истинад лазымдыр
