Биз онунла бүркүдән јухуламыш Бејрутда ҝөрүшдүк. О, он сәккиз ил Исраил һәбсханасында вә онлардан беш илини бирадамлыг камерада кечирмишди. Илк дәфә һәбс олунаркән онун 25 јашы вар иди. Кечән ил азадлыға бурахыларкән, Исраилин әкс-кәшфијјаты олан Шабакын полковники она деди: "Сән Гәрб саһилдә олмамалысан. Әҝәр Гәрб саһилдә галсан, биз сәни јенидән зиндана салаҹағыг..."
Инди онун гырх үч јашы вар. Биз онунла чох данышдыг. Доғру десәк, данышан о иди . Илк өнҹә о мәнә чох јорғун ҝөрүндү. Белә бир јорғунлуг олур ки, сәнин сүмүкләринин бошлуғу вә бәдәнинин сүстлүјү һәр бир шејә үстүн ҝәлир. Амма ејни заманда о зәиф вә дүшкүн ҝөрсәнмирди. Санки о дәрин вә ојнанылмамыш сүкутда јенә дә гызғын вә шәхсијјәтли бир гүввә ҹошурду.
- Һәјатын һәр аны Мүгавимәтдир. Мүәјјән бир мәнада инсан тарихи гәрибә бир дәниздир ки, орада ишғалын далғалары илә мүгавимәтин далғалары бир бири илә тоггушур. Бу сәбәбдән, нә гәдәр ки сән дирисән сән мүгавимәт ҝөстәрирсән. Сән мүбаризәни дајандырырсанса, демәли сән артыг өлүсән, садәҹә сәни нә үчүнсә дәфн етмәјә унудублар. Дәгиг јадымда дејил, амма дејәсән Башлер ишғалчылығын ән амансыз үсулу һаггында јазаркән ону “сивил ишғал” адландырырды. Де Гол исә “мәдәни ишғалчылыг” һаггында сөз ачырды...
Нијә ҝөрә “Исраил” вә АБШ ишғалчылары бизләрин мүгавимәтини гыра билмирләр? Јәгин, она ҝөрә ки, биз фәләстинлиләр һәјаты хүсуси бир тәрздә севирик. “ Елә јаша ки, санки әбәди јашајаҹагсан, вә өлүмә елә һазырлаш ки, санки сабаһ өләҹәксән.” Ислам бизә буну өјрәдир. Азад һәјатын тәкрар олунмајан ширинлији, јалныз мүгавимәт руһу васитәси илә ашкар олунур. Һәтта сән зинданда, бирадамлыг камерада олсан белә. Алтмыш ил онлар бизи сындырмаг истәјирдиләр, амма буну баҹармадылар.....Вә баҹармајаҹаглар. Билирсән нә үчүн? Һәр бир һәрби әсирин, ишғалчы зинданларында олан мәһбусларын Ислам кими дини вар, бизим һиссләримиз, Аллаһ илә даими әлагәнин дујғуларыны ифадә едән дин. Ким буну биздән ала биләр?
Бизим ишимизин, мүбаризәмизин әдаләтли олмасына јәгинлијимиз вар. Вә бу генетик бир јәгинликдир, ҝенләримиздә олан јәгинликдир. Биз бир дәрси дәрк етдик – ишғалчылар јалныз ҝүҹ дили баша дүшүрләр. Бу бир аксиомадыр. Бу белә олуб, һал һазырда олур вә олаҹаг. Бу сәбәбдән ҝүҹүн гаршысында јалныз ҝүҹ гаршыја гојулмалыдыр. Бурада башга бир алтернатив јохдур.
Исраил зинданларына атылан минләрлә һәрби әсир, Фәләстин халгынын һөрмәтини вә севҝисини һисс едирләр. Бу чох мүһүмдүр. Мәнә дүшмәнин зинданында олан гәһрәманларына гаршы олан халгын мүнасибәтини ҝөстәр, вә мән бу халгын талејини сәнә дејим. Јәһудиләр бизи мәһбус-террорист адландырырлар. Бизим халг үчүн биз һәрби әсирик. Бу садәҹә сөзләр дејил. Бизим аиләләр, өвладларымыз, валидејнләримиз ҝүндәлик гајғы илә әһатә олунублар. Биз билирик ки, һәтта бизим өлүмүз заманы Ислам Мүгавимәт Һәрәкаты (ҺӘМАС), бизим јахынларымызы вә әзизләримизи тәкбашына бурахмајаҹаг. Фәләстин ҹәмијјәтиндә, һәрби әсирләрин мәнәви нүфузу сарсылмаздыр.
Һәр бир ишғалчы зинданын дахилиндә әсирләрин чох дәгиг өзүнүтәшкилатланма системи јарадылыб вә фәалијјәт ҝөстәрир. Бу мүгавимәтин чох мүһүм бир компонентидир. Малијјә ҹәһәтиндән истәр парламент депутаты, истәр бизнесмен, истәрсә дә кәнд сакини олан бүтүн һәрби әсирләр бәрабәрдирләр. Кәнардан (азадлыгдан) ҝәлән бүтүн пуллар үмуми кассаја ҝедир. Сосиал ја да пешәкар ајры сечкилији јохдур. Амма бүтүн һәрби әсирләрин тәкмилләшдирилмәси үчүн дәгиг һазырланмыш вә һәјата кечирилән ҝүндәлик програмлар мөвҹуддур.
Һәбсиндән бир мүддәт өнҹә, о, Әл-Хәлил (Хеврон) шәһәринин Ислам университетинин Шәриәт факүлтәсини битирмишдир. Тојун еләди. Ону һәбс едәндә, һәјат јолдашынын гоһумлары ону әриндән имтина етмәјә разы салмаг истәјирдиләр - “ Өз һәјатыны гырма, исраиллиләр ону даһа бурахмазлар”. Лакин о, имтина етмәди вә 18 ил өз һәјат јолдашыны ҝөзләди.
- Ишғалчылар илк өнҹә ишғал олунмуш милләтин милли елитасыны мәһв етмәк, тапдаламаг, арадан ҝөтүрмәк истәјирләр. Мәним үчүн елита - ән јахшыларды, өз торпағынын кечмиши, бу ҝүнү вә ҝәләҹәји гаршысында гүсурсуз мәсулијјәт саһиби олан јахшылардыр, ҝәләҹәји вә кечмиши бирләшдирәнләр, чохлары үчүн нүмунә олан, өз милләти үчүн ҝүндәлик өрнәк оланлардыр. Ишғалчылар үчүн әсас мәгсәд бир о гәдәр дә милли елитаны физики мәһв етмәк јох, нә гәдәр ки о елитаны һөрмәтдән салмаг, корламаг, јенидән кодлашдырмагдыр. Ону етмәк үчүн дә ҝәрәк елитанын әнәнәви јенидәнгурма системини мәһв едәсән. Бу исә сөзүн әсл мәнасында ҝениш бир тәһсил системидир. Амма Фәләстиндә онлар буну баҹармады. Вә һеч вахт баҹармајаҹаглар. Сионистләрин терроруна бахмајараг, бизим милләт дүнјанын 10 ән тәһсилли милләтләри сырасындадыр. Мәсәл үчүн 1000 адама олан тәләбәләрин сајына ҝөрә биз Исраилләри өтүб кечмишик.
Фасиләсиз тәһсил - мүгавимәтин мүһүм компонентидир. Һәмчинин ишғалчы зинданларда да. Фәләстинли һәрби әсирләрин арасында назирләр, милләт вәкилләри, мүхбирләр, имамлар, бәләдијјә ишчиләри вар. Биз она наил ола билдик ки, Исраил зинданларында оланларын әксәријјәти орадан даһа да мөһкәм етигадлы мүгавимәт дөјүшчүләри кими чыхырлар. Јәһудиләр бизи милли елитадан мәһрум етмәк истәјирләр, амма мәһз елә Исраил зинданларында мүгавимәтин милли елитасынын бөјүк бир һиссәси јарадылыр, јенидән гурулур.
Фәләстинли һәрби әсир бу ја диҝәр зиндана дүшәркән, илк өнҹә тәҹрүбәли гардашлардан ибарәт олан хүсуси бир комиссија илә ҝөрүшүр. Өзүнә мәхсус бир мүсаһибә кечир: һәмән мүсаһибәдә зиндана дүшмүш јени әсир өз тәһсил сәвијјәси вә өз тәһсили һәҹми һаггында, нә өјрәнмәк истәдијини вә өз достларына һансы саһәдә фајда верә биләҹәји һаггында мәлумат верир. Комис
