Әһли Бејт -АБНА- хәбәр аҝентлијинин вердији хәбәрә әсасән: Өтән ҹүмә ҝүнү намаздан сонра мәсҹидин ишчиләри почт гутусуну јохлајанда ичи ағ рәнҝли тозла долу бир зәрф ашкар едибләр. Зәрфин ичиндә “Гуран”ын кәнары јандырылмыш бир сәһифәси дә олуб. Орада ашкарланан мәктубда мүсәлманларын Авропаны вә Франсаны тәрк етмәләри тәләб олунуб. “Авропа азадлығы уғрунда Һәрәкат”ын јајдығы бу месажда, Франса мүсәлманларына үнванланан “Нә гәдәр ҝеҹ дејил Франсаны тәрк един!”, “Ја чемодан, ја да табутунузу сечин!” кими һәдәләрин әкс олундуғу билдирилир.
Ејјуб Султан мәсҹидинин јајдығы бәјанатында бунун мүсәлман иҹмасынын исламафобијадан әзијјәт чәкмәсинин бариз нүмунәси олдуғу билдирилиб, бу һадисә террорчу бир олај кими гијмәтләндирилиб.
Гејд едәк ки, Страсбургда јерләшән Ејјуб Султан түрк мәсҹиди артыг 15 илдир фәалијјәт ҝөстәрир вә Страсбургун ики ән бөјүк мәсҹидләриндәндир.
Диггәт: Хәбәрдән истифадә етдикдә мәнбәјә истинад лазымдыр
