Әһли Бејт -АБНА- хәбәр аҝентлијинин вердији хәбәрә әсасән: АБШ-ын Теннеси Техники Университетинин сијаси елмләр үзрә профессору Михаел Ҝүнтерин мүсаһибә вермишдир бу мүсаһибәнин бир һиссәсини һүзурунуза тәгдим едирик.
- Ҹәнуби Гафгаз реҝиону глобал мәсәләләр үчүн нә дәрәҹәдә мүһүмдүр?
- Ҹәнуби Гафгаз реҝиону глобал мәканда ән әсасы өз нефт ресурсларына ҝөрә јер тутур. АБШ буну билир, амма ејни заманда ону да баша дүшүр ки, бу мәсәләдә Русија, Иран вә Түркијәдән фәргли олараг, ән узаг өлкә олараг галыр. Бүтүн бунлара бахмајараг, АБШ һәлә дә дүнјанын һеҝемон өлкәси олараг галыр. О, бүтүн глобал мәсәләләрдә мараглыдыр вә тәбии ки, бура Ҹәнуби Гафгаз реҝиону да дахилдир - өз нефтинә ҝөрә.
- Бәс Дағлыг Гарабағ мүнагишәсинин һәлли перспективләрини нәдә ҝөрүрсүнүз? Мүнагишәјә ҹәлб олунан тәрәфләр вә васитәчиләр васитәсилә нә етмәк олар?
- Мән дүшүнмүрәм ки, Дағлыг Гарабағ мүнагишәси бу тезликдә һәлл олуна биләр. Әлбәттә, бүтүн үчүнҹү тәрәфләр вә Ермәнистан бу вәзијјәтдән мәнфәәт ҝүдүрләр.
- Дағлыг Гарабағ мүнагишәси реҝиондакы Абхазија, Шимали Осетија вә Исраил-Фәләстин кими мүнагишәләрлә мүгајисә олуна биләрми? Онларын јол хәритәләринин нә шәкилдә бир-биринә бәнзәрлији вар?
- Ону дејә биләрәм ки, Дағлыг Гарабағ мүнагишәси Исраил-Фәләстин гаршыдурмасыны хатырлатмаға башлајыр. Абхазија вә Шимали Осетија артыг икинҹи дәрәҹәли вә вахты кечмиш проблемләр сырасындадыр, она ҝөрә дә Дағлыг Гарабағ мүнагишәси илә мүгајисә олуна билмәзләр.
Диггәт: Хәбәрдән истифадә етдикдә мәнбәјә истинад лазымдыр
