Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын мәтбуат хидмәтиндән Фактхебер.ҹом-а дахил олан мәлуматда билдирилир:
"Сон дөврләрдә өлкәмиздә нәшр олунан бир сыра мәтбу органларда динимизә гаршы тәһгирамиз јазылар дәрҹ олунур. Әһалисинин 95 фаизиндән чохунун Ислам дининә етигад етдији бир ҹәмијјәтдә бу кими јолверилмәз аддымларын нәјә өлчүлдүјүнү јәгин ки, Сизләр дә јахшы билирсиниз. Ислам дүшмәнләринин дүнјанын бир сыра јерләриндә төрәтдикләри фитнә-фасадлар- Гуранын јандырылмасы, әзиз Пејғәмбәримизин тәһгир олунмасы, диҝәр Ислам атрибутларына вә мүгәддәсләринә гаршы ҹәсарәтләрә јол верилмәси һаллары илә тәәссүфләр олсун ки, рәһбәрлик етдијиниз гурумун табелијиндәки бәзи гәзетләрдә дә ҹәмијјәтимиз гаршылашыр.
“Алма” гәзетинин 24 октјабр 2010-ҹу ил тарихли нөмрәсиндә Турал Гурбанлы вә Фәхрәддин Һаҹыбәјли адларында мүәллифләрин дәрҹ етдикләри јазыларда әзиз Ислам пејғәмбәри Һәзрәт Мәһәммәд(с) вә Һәзрәт Әли(ә) һаггында мәсулијјәтсиз фикирләр, тәһгирләр ҹәмијјәтдә ҹидди нараһатчылыглар јаратмышдыр. Гәзетдәки чыхышлар бүтөвлүкдә Ислам дининин тәһгиринә јөнәлмиш, Ислам дүнјасынын, бүтүн дүнја мүсәлманларынын инанҹы ашағыланмышддыр.
Мүгәддәс динимизә гаршы бу һәгарәтләрин бир сыра мәтбу органларына јол тапмасы хариҹи гүввәләрин-Азәрбајҹан халгынын дүшмәнләринин фитнәсиндән ирәли ҝәлмәсинә шүбһә јохдур. Белә нәшрләр Исламын дүшмәнләринин әлиндә мүсәлманлара, онларын инанҹына гаршы сүни аләтә чеврилмишдир.
Нәзәринизә чатдырырыг ки, бизә дахил олан чохсајлы мүраҹиәтләрдән дә ҝөрүнүр гәзетләрдә динимизин тәһгир олунмасы инсанлары ҹидди һиддәтләндирмишдир вә онлар сәрт вә ганунаујуун тәдбирләр ҝөрмәк үчүн рәсми органлар гаршысында мәсәлә галдырмағы тәләб едирләр. Сөссүз ки, белә јазарлар истәр Мәтбуат һаггында, истәрсә дә Дини Етигад Азадлығы һаггында ганунун кобудҹасына позулмасына јол верир, ејни заманда инанҹлы инсанларын һејсијјатына тохунмагла онларын Конститусион һүгугларыны позурлар.
Белә инсанларын ҹәзасыз галмасы вә “Алма” кими нәшрләрин давамлы фәалијјәти дүшүнүрүк ки, ҹәмијјәтимиздә ҝәләҹәкдә даһа бөјүк фитнә-фасадлара јол ача биләр, инсанлары мүхтәлиф тәхрибатлара вә гаршыдурмалара тәһрик едә биләр. Азәрбајҹан Ислам Партијасы белә нәшрләрин ҹәмијјәт үчүн позуҹулуг вә тәхрибат мәнбәји ролуну дашыдығына ҝөрә нәшринин дајандырылмасыны мәгсәдәујғун һесаб едәрәк бәјан едир: Милли-мәнәви дәјәрләримизи ашындыран, сәһифәләриндә мүгәддәс динимизә вә әзиз Пејғәмбәримизә гаршы тәһгиамиз чыхышлар дәрҹ едән вә бунунла да өлкәмизи мүсәлман дүнјасында ләкәләјән һәр һансы нәшрин фәалијјәти дәрһал мүзакирә олунараг дајандырылмалы, тәрәфиниздән белә јазы мүәллифләринин һүгуг-мүһафизә органлары гаршысында ҹавабдеһлији тәләб олунмалыдыр."
Диггәт: Хәбәрдән истифадә етдикдә мәнбәјә истинад лазымдыр
