Әһл Бејт-АБНА-хәбәр аҝентлијинин хәбәринә әсасән АБШ-ын мүдафиә назири Роберт Ҝејтс Конгрес үзвләри гаршысында Иран тәһлүкәси һагда данышыб. О дејиб ки, Иран АБШ вә Авропа үчүн ән ҹидди тәһдид мәнбәләриндән биридир. Ҝејтсин сөзләринә ҝөрә, Америка кәшфијјаты мүәјјән едиб ки, әҝәр Иран Авропаја зәрбә ендирмәк истәсә, о заман бир вә ја бир нечә баллистик ракетдән дејил, јүзләрлә ракетдән истифадә едәҹәк.
“Бу, ракет јағышы олаҹаг. Биз јәгин ки, ејни вахтда јүзләрлә ракетин зәрбәсини дәф етмәли олаҹағыг” дејә, Пентагон рәһбәри билдириб. Ҝејтс дејиб ки, бу гәнаәт АБШ-ла Авропа арасында баллистик ракетләрдән мүдафиә компонентләринин јерләшдирилмәсинә даир данышыгларда нәзәрә алыныб. АБШ мүдафиә назири ону да дејиб ки, Русијанын Ирана даир сијасәти зиддијјәтлидир вә онда шизофренија ҝөрүнтүсү јарадыр. Белә ки, Русија бир тәрәфдән Иранын нүвә силаһы әлдә етмәсинин неҹә тәһлүкәли олаҹағыны ҝөрүр, анҹаг диҝәр тәрәфдән, коммерсија марагларындан әл чәкә билмир вә Теһранла әмәкдашлығы давам етдирир.
