Әһл Бејт-АБНА-хәбәр аҝентлијинин хәбәринә әсасән Исраилдә нәшр олунан “Ысраел Тодај” адлы ајлыг журнал АБШ президенти Барак Обаманын бу илин мајында Мисир рәсмиләри илә ҝөрүшү заманы онлара мүсәлман олдуғуну етираф етдији барәдә сенсасион мәгалә дәрҹ едиб. Журналын јаздығына ҝөрә, Мисир хариҹи ишләр назири Әһмәд Ҝеит АБШ президенти илә тәкбәтәк ҝөрүшү заманы Обаманын она мүсәлман олдуғуну етираф етдијини билдириб.
Иддиаја ҝөрә Обама билдириб ки, мүсәлмандыр, мүсәлман атанын оғлудур, өҝеј атасы да мүсәлмандыр вә ушаглығы мүсәлман аиләсиндә кечиб. АБШ президенти өҝеј гардашларынын да мүсәлман олдуғуну вә өзүнү Ислам дининә даһа јахын һисс етдијини дә билдириб. О, дејиб ки, әрәбләр сәбирли олсунлар. АБШ президенти вәд едиб ки, өлкәдахили проблемләри һәлл етдикдән сонра Исраилин өһдәсиндән неҹә ҝәлдијини әрәбләрә вә дүнјаја ҝөстәрәҹәк.
Гејд едәк ки, Обаманын мүсәлман олдуғу барәдә иддиалар онун сечки кампанијасы дөврүндә дә јајылырды. АБШ президентинин биографијасындан мәлумдур ки, онун атасы мүсәлман олса да өзү христиан дининә етигад едир. Лакин мүһафизәкар чеврәләр Обаманын ҝизли мүсәлман олдуғу барәдә иддиалардан она гаршы истифадә етмәкдәдир. Сечки кампанијасы заманы чыхышларындан бириндә Обама “инанҹым Исламдыр” дејиб, анҹаг чашдығыны дејәрәк “инанҹым христианлыгдыр” дејә сөзләрини дүзәлдиб.
Барак Һүсејн Обаманын ҝизли мүсәлман олмасы Исраил вә јәһуди чеврәләрини дә нараһат едир. АБШ президенти илә Исраил арасында мүнасибәтләр һазырда јахшы дејил. Бәзи мүшаһидәчиләрә ҝөрә, бунун архасында Обаманын мүсәлман олмасы барәдә иддиалар дајаныр.
