Әһл Бејт-АБНА-хәбәр аҝентлијинин хәбәринә әсасән « Financial Times » јазыр ки, санксијалар Иранын нүвә планларына кичик дә олсун тәсир етмәјәҹәк вә БМТ-нин гадағалары Теһранын нефт сатышына гаршы чеврилмәјиб: «Инди Иран чалышыр ки, санксијалардан јан кечсин, һәтта, онларын тәсирини өз хејринә дәјишсин. Адәтән санксијалар практики ҹәһәтдән фәргли олараг, кағыз үзәриндә ҝүҹлү ҝөрүнүр». Гәзет јазыр ки, санксијаларын гәбулу Иранын һакимијјәт даирәләрини даһа сых бирләшмәјә мәҹбур етди.
«Ле Монде» нәшри вурғулајыр ки, ХХl әср дипломатијасы Ирана гаршы санксијаларын гәбулу илә башлады. Амма бу ҝүн һәр кәс бунларын әсас сәбәбини унудуб: «БМТ-нин чыхыш јолу јох иди. О дүзҝүн аддым атды. Әлбәттә ки, бу санксијалар Вашингтонун истәдији кими, санксијалар «боғуҹу» олмады. Лакин Иранын мүттәфигләри Русија вә Чинин санксијалара гошулмасы Теһранын дипломатик изолјасијасы демәкдир». Ҝөрүндүјү кими, дүнја мәтбуаты сајҹа дөрдүнҹү дәфә гәбул едилмиш санксијаларын еффектинин олмајаҹағыны вә нөвбәти сәрт санксијалара јол ача биләҹәјини јазырлар.
