Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Хариҹи Ишләр Назирлијинин мүавини бу ҝүн БМТ-нин Нју-Јоркдакы гәрарҝаһында кечирилән Ислам Әмәкдашлыг Тәшкилатынын фөвгәладә иҹласында, Иранда баш верән сон һадисәләрә даир өлкәмизин мөвгејини изаһ етди вә вурғулады ки, Иран һагсыз јерә төкүлән ганларын гисасыны алаҹаг.
Хариҹи Ишләр Назирлијинин мүавини һәмчинин гејд етди ки, сон илләрдә сионист режим Ислам үммәти вә Иран Ислам Республикасына гаршы мүхтәлиф мәнфур програм вә әмәлијјатлар һәјата кечирмишдир.
Онун сөзләринә ҝөрә, бу режимин стратеҝијасы реҝионда парчаланма јаратмаг, Ислам дүнјасына һөкм етмәк вә Јахын Шәргдә сабитлији позмагдыр. Иран дахилиндә террор әмәлијјатларынын тәшкили дә һәмин режимин 12 ҝүнлүк мүһарибәдәки стратежи мәғлубијјәтинин давамыдыр.
Әлләри Гәзза вә реҝионун диҝәр әразиләриндә он минләрлә ҝүнаһсыз инсанын ганына булашанлар исә инсан һаглары кими анлајышлары аләтә чевирәрәк анти-иран програмларыны ирәли апармаға чалышырлар.
Sizin rəyiniz