Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русија Силаһлы Гүввәләри Баш Гәрарҝаһынын Баш Әмәлијјат Идарәсинин рәиси, ҝенерал-лејтенант Серҝеј Рудској кечирдији брифингдә билдириб: “Русија Һәрби Космик Гүввәләри Суријада 100 ҝүн әрзиндә 5 миндән чох дөјүш учушу һәјата кечириб”.
“2015-ҹи ил сентјабрын 30-дан бу ҝүнә кими Русија Һәрби Космик Гүввәләри 5662 дөјүш учушу, о ҹүмләдән 145 стратежи ракет дашыјан тәјјарә вә бомбардманчы авиасија учушу һәјата кечириб”, - дејә о, сөјләјиб.
С. Рудској бу мүддәт әрзиндә Суријада вәзијјәтин көкүндән дәјишдијини дә билдириб: “ИШИД террорчу груплашмасынын нәзарәт етдији 217 јашајыш мәнтәгәси ишғалдан азад олунуб. 1024 квадрат километр әрази террорчулардан ҝери алыныб”.
Русијалы ҝенерал Суријада террорчу груплашмалара гаршы дөјүшләрин ејни вахтда 15 истигамәтдә апарылдығыны вурғулајыб.
С. Рудској сентјабрын 30-дан бу ҝүнә кими Суријадакы террорчу груплашмаларын мөвгеләринә ендирилән ганадлы ракетләрин сајы барәдә дә мәлумат вериб. Онун сөзләринә ҝөрә, бу мүддәт әрзиндә дәниз вә һавадан террорчуларын мөвгеләринә 97 ганадлы ракет зәрбәси ендирилиб.
Диггәт: Хәбәрдән истифадә етдикдә мәнбәјә истинад лазымдыр
