Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн ҝүнорта намазында, тәхминән Бакы вахты илә саат 13:00-да әлијевләр режинин апардығы анти-Шиә сијасәтләринин давамы олараг хүсуси тәјинатлы полис гүввәләри Нардаран гәсәбәсинә дахил олараг Рәһимә Ханымын һәрәми јахынлығындакы Һүсејнијјәјә һүҹум чәкибләр.
Атышма заманы полис ҹинајәткар дәстәси губара вә калашников силаһларындан истифадә едәрәк бир нечә Шиәни Шәһид едиб вә јаралајыблар. Шәһид оланлар сырасында Мәшәди Аббас гардашын да олдуғу дејилир.
Мәлумата ҝөрә, өзләрини полис ҹинајәтиндән мүдафиә едән Шиәләр 5-6 полиси јаралајыблар.
Һазырда Нардаран халгы Имам Һүсејн Мејданына топлашыблар. Ҹамаат өзләрини мүдафиә етмәк үчүн даш гырынтыларындан вә ломлардан истифадә едирләр.
Вәзијјәт ҝәрҝин олараг галмагдадыр.
Алдығымыз гејри дәгиг мәлумата ҝөрә, бу ҝүн ҝүнортадан сонра Мәшәди Әзизбәјов да да атышма баш вериб.
Ашағыдакы фотолар Нардаран гәсәбәсиндә гејдә алыныб.
Диггәт: Хәбәрдән истифадә етдикдә мәнбәјә истинад лазымдыр
