Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Белә бир иддианы һәлә хејли әввәл Һаҹыбала Абуталыбов һаггында “Ҝүндәлик Азәрбајҹан” гәзети ҝүндәмә ҝәтирмишди. 2005-ҹи илин сонларында дәрҹ олунмуш мәгаләдә вурғуланырды ки, Бакы Шәһәр Иҹра Һакимијјәтинин башчысы Һаҹыбала Абуталыбов Санкт-Петербургда јерләшән Александровскаја хәстәханасынынын нарколоҝија вә психотерапија шөбәсиндә мүајинә олунуб. Һәтта гәзет ону да иддиа едирди ки, Бакы “мер”и бир мүддәт орада мүалиҹә алыб. “Бу барәдә адычәкилән хәстәхананын нарколоҝија вә психотерапија кафедрасынын рәһбәри П.Л.Сотниковун имзасы илә тәсдигләнмиш мөһүрлү арајыш редаксијамыза дахил олдугда белә, бу тәрәддүд бизи тәрк етмәди. Она ҝөрә дә хәстәхананын (Санкт-Петербург, В.О.Болшој пр. 51) арајышда ҝөстәрилән әлагә телефонуна (812)320-40-83) зәнҝ вурдуг. Хәстәхананын нөвбәтчиси мәгсәдимизи өјрәндикдән сонра өзүндә гејдләр апарды вә бир аз сонра онунла јенидән әлагә сахламағымызы хаһиш етди. Тәкрар зәнҝ вуранда о, арајышда гејд олунанларын һәгигәт олдуғуну вә Һ.Абуталыбовун һәмин клиникада доғрудан да мүалиҹә алдығыны тәсдигләди” дејә, “Ҝүндәлик Азәрбајҹан” јазырды.
“Ҝүндәлик Азәрбајҹан” бунунла бағлы даһа сонра јазырды: “П.Л.Сотниковун имзаладығы арајышда билдирилир: “Азәрбајҹан ССР вәтәндашы Һаҹыбала Абуталыбов һәгигәтән дә, бизим психиатрик клиникада шизофренија диагнозу илә мүалиҹә курсу кечиб вә ССРИ Сәһијјә Назирлијинин һәким комиссијасынын тәгдиматы илә клиникадан евә јазылыб”.
Бакынын «мери» адычәкилән клиникада олдуғу дөврдә ону мүалиҹә едән һәкимләрә гаршы агрессивлик нүмајиш етдириб вә һәрәкәтләринин фәргинә белә вармајыб. Ону да гејд едәк ки, клиникадан евә бурахылан Һ.Абуталыбов Бакы Шәһәр Невроложи Диспансериндә дә гејдијјата дүшүб вә мүалиҹә алыб. Буну һазырда Берлиндә јашајан мәшһур психотерапевт Ришад Ағамирзәјев дә тәсдиг едир. О, бизимлә телефон сөһбәтиндә Һ.Абуталыбовун Бакыда бәдхассәли, тәдриҹән инкишаф едән параноид-шизофренија диагнозу илә мүалиҹә олундуғу барәдә мәлуматы олдуғуну билдирди”.
Бөјүк ҝәлир мәнбәләри үзәриндә һакимијјәт…
Һаҹыбала Абуталыбовун БШИҺ-нин рәһбәри вәзифәсиндән ҝетмәмәсинин тәбии ки, бир сыра сәбәбләри вар. Биринҹиси одур ки, Абуталыбов бөјүк бир вәзифәни әлдән вермәк истәмир вә илләрдән бәри алышдығы постдан имтина етмәк нијјәтиндә дејил. Икинҹиси исә о, илләрдән бәри Бакыда јаратдығы бөјүк ҝәлир мәнбәләринин үзәриндәки һакимијјәтини итирмәк фикриндән узагдыр. Чүнки бу посту сајәсиндә мер индијә гәдәр милјонлар саһиби олуб. Биз бунун бүтүнлүклә тәфсилатларына вармадан, әсас ҝәлир мәнбәләринин сијаһысыны сизләрә тәгдим етмәјә чалышаҹағыг вә һамы да аҝаһ олаҹаг ки, Бакы мери олмаг истәјәнләрин ҹидди-ҹәһдлә һәрәкәт етмәси һеч дә сәбәбсиз дејил:
– БШИҺ-нин Мәнзил Фонду: Бу фонду әлә кечирмәк истәјәнләр сырасында ән апарыҹы фигур Дөвләт Әмлакынын Идарәетмә Комитәсинин рәһбәри Кәрәм Һәсәнов вар. Артыг 2 илә јахындыр тәрәфләр арасында мүбаризә ҝетсә дә, Абуталыбов һәмин ҝәлир јерини әлдән вермәјиб;
– Меријанын бүдҹәси: Һазырда Бакынын абадлашдырылмасы вә јенидәнгурулмасы үчүн һәр ил дөвләт бүдҹәсиндән ајрылан вәсаитин үмуми һәҹми 500 милјон маната бәрабәрдир. Бундан башга, Президент Фондундан һәр ил ајырмалар вә кәнар дахил олмалары да бураја әлавә етсәк, рәгәмин даһа 50 милјон манат арта биләҹәјини прогнозлашдыра биләрик. Бу гәдәр пулун тәбии ки, һамысы нәзәрдә тутулан ишләрә сәрф олунмур. Онун јарысы гәдәри истисна һалдыр ки, мерија тәрәфиндән “ичәријә өтүрүлүр”.
– Ајры-ајры објектләрдән алынан һаглар: Илк бахышдан бу кичик бир рәгәми ифадә едә биләр. Амма үст-үстә ҝәлдикдә рәгәмин һәддиндән артыг бөјүклүјү адамы ваһимәләндирир. Бу ҝүн пајтахтда гарпызсатандан тутмуш, дондурма сатана гәдәр һәр кәс Һаҹыбала мүәллимин адамларына һагг верир. Гијмәтләр исә иҹарәтин һарада тәшкил олунаҹағына әсасән мүәјјән олунур. Тәбии ки, “Торговы”дакы күчә тиҹарәтинин гијмәти илә кәнардакы ејни ишин ајлығы арасында ҹидди фәргләр вар. Мәсәлән, метроларын јахынлығында сигарет сатмаг истәјән шәхсин ҝүндәлик “һаггы” 15 маната јахындыр. Бу, ајда тәгрибән 450 манат едир. Үст-үстә ҝөтүрәндә, 18 стансија јахынлығында үч белә “објект” гуруларса, о заман мерин ҹибинә ән азындан ајда 24 мин манатдан чох пул дахил олур. Биз һәлә бураја дондурма, су вә диҝәр кичик тиҹарәт нөвләрини дахил етмирик. Онлар үчүн дә ајлыг нәзәрдә тутулан “һагг”ын орта дәјәри 150-300 манат аралығында дәјишир.
– МИС-ләрдән ҝәлән пуллар: Мәнзил-Истисмар Саһәләрини һеч ким ҝәлирсиз јер кими, гәбул етмир. Ади арајыша ҝөрә пул алан бу дөвләт идарәсинин БШИҺ-ә табе олдуғу да һамыја бәллидир. Бу ҝүн БШИҺ-нин нәздиндәки Тикинти Департаментинин ихтијарында олан һәмин гурумларын тәкҹә арајышдан пул газандығы да јалан олар. Чүнки балкона артырмадан тутмуш, онун үзәринә бир әдәд мых вурмаға гәдәр һәр ишә бахан МИС-ләр, һәтта евин ичиндәки тәмирә ҝөрә дә, мәнзил саһибинә сөз дејә билир. Елә буна ҝөрәдир ки, балкона мых вурмаг истәјән 300 манат, артырма етмәк истәјән 3-4 мин манат, евиндә тәмир иши апармаға гәрарлы олан 400 манат һагг вермәлидир. Бураја һәјәт евләринин мәртәбәләрини артырмаг кими ишләри дә әлавә етсәк, ишин нә гәдәр пуллу олдуғуну ҝөрмәк мүмкүндүр. Она ҝөрә ки, бир мәртәбә даһа артырмаг ешгинә дүшәнләр бунун үчүн ән азындан 20 мин манат өдәмәлидирләр.
– Тикинти сектору вә торпаг сатышы: Бакыда дашы-даш үстә гојмаг пулдур. Буну ади вәтәндаш да, тикинти ишчиси дә тәсдигләјир. Бу ҝүн шәһәрин ичиндә сатылан торпаглара ҹавабдеһлији Һаҹыбала Абуталыбов өз үзәринә ҝөтүрүб. Амма ири биналарын иншасы заманы да онун разылығы лазымдыр. Мәһз бу сәбәбдәндир ки, хүсуси перскурјант мүәјјән едилиб. Белә ки, һазырда 12 мәртәбәли вә бир блоклу мәнзилин инша едилмәси үчүн истәнилән һаггын дәјәри 100 мин манатдыр. Әҝәр блокларын сајы артарса, бу рәгәм даһа 100 мин манат артыр. Вај о ҝүнә ки, тикинти ширкәти 12-дән артыг мәртәбә инша етмәк фикринә дүшә. Бу заман истәнилән мәбләғ исә 200 мин маната гәдәр јүксәлмәјә башлајыр.
Бунлар һәлә бизим билдијимиз мәгамларын чох ҹүзи бир һиссәсидир. Бу сырада онларла, јүзләрлә сијаһы һазырламаг мүмкүндүр. Шүбһәсиз, белә бир сәрвәтин әлдән чыхмасына һеч ким разылашмаз. О ҹүмләдән, Һаҹыбала Абуталыбов. Она ҝөрә дә, һәмин саваш давам едәҹәк вә кимин ҝүҹлү олдуғу да бу просес нәтиҹәсиндә мәлум олаҹаг.
Османын гурдуғу “империја”…
Осман дејәндә, һеч дә ағлыныза Әрәб хилафәтинин хәлифәси ҝәлмәсин. Сөһбәт бурада Һаҹыбала Абуталыбовун гардашы Осман Абуталыбовдан ҝедир. Мәсәлә бурасындадыр ки, Осман гардашынын вәзифәјә кечмәсиндән сонра олдугҹа асан ҝәлир мәнбәји әлдә едиб. Иш дә бурасындадыр ки, пајтахтын јолкәнары бүтүн ишыгландырма аваданлыглары вә онун деталларынын алыныб, Бакыја ҝәтирилмәсинә мерин гардашы нәзарәт едир.
Һәр ҝүн растлашдығымыз, бәзән бәјәндијимиз, бәзән исә бәјәнмәдијимиз електрик дирәкләринин Бакыја “ҝәтирилмәси” просеси бирбаша гардаш Абуталыбов тәрәфиндән һәјата кечирилир. Һәрчәнд мер иддиа едир ки, бу дирәкләри онлар Санкт-Петербургдан ҝәтирдир вә онун үчүн бүдҹәдән күлли мигдарда пуллар ајырылыр. Лакин артыг һамы тәрәфиндән һәгигәт олараг гәбул едилән бир факт вар ки, һәмин дирәкләр һеч дә Санкт-Петербургдан ҝәтирилмир. Әксинә, онларын бөјүк бир гисми Бакыда һазырланыр. Бакыда һазырланан дирәкләр исә дөвләт сәнәдләшдирмәсиндә маја дәјәриндән гат-гат артыг гијмәтә гејдә алыныр.
Бу барәдә верилән мәлуматлардан белә ајдын олур ки, Осман Абуталыбовун пајтахтда електрик дирәкләри дүзәлдилән сехи вар вә дөвләт сифаришләри дә орада јеринә јетирилир. Садәҹә, сәнәдләшдирмә елә һәјата кечирилир ки, ҝуја, һәр шеј Петербургдан ҝәтирилир. Анҹаг дирәкләри ҝәтирмәклә ишин битмәдији ајдындыр. Онун уҹалдылмасы, електрик нагилләри вә хәтләри илә тәмин олунмасы, лампаларла тәһҹиз едилмәси ишләри дә мерин гардашынын бојнундадыр вә бу да бөјүк ҝәлир јери кими диггәти чәкә биләр. Чүнки фактики олараг шәһәрдәки електрик дирәкләрини, һабелә онлара бәркидилмиш електрик лампаларынын нә сајыны билән вар, нә дә буну һесабламаг үчүн сәбри олан. Демәли, һәр ҝүн тәкҹә минә јахын електрик лампасынын “хараб” олмасы ады алтында минләрлә манат пулу силмәк мүмкүндүр.
Мерин вәһһаби оғлу?..
Һаҹыбала Абуталыбов һаггында даһа бир иддиа ҝүндәмә ҝәлиб. Дүздүр, бу бирбаша онун өзү илә бағлы дејил, оғлу илә әлагәдардыр. Медиада јајылан мәлуматлара ҝөрә, Һаҹыбала Абуталыбовун оғлу вәһһабилији гәбул едиб. Белә ки, мерин бөјүк оғлу Исрафил Абуталыбов даһа әввәлки һәјат тәрзиндән чох узагдыр. О, өзүнү тамамилә динә һәср едиб, өзүнә гапаныб, евдән чыхмајараг бүтүн ҝүнү ибадәтлә мәшғул олур. Исрафил Абуталыбов көһнә чеврәси илә, достлары илә, бир вахтлар дәбдәбәли әјләнҹә мәҹлисләриндә бирҝә олдуғу инсанларла әлагәләрини дә тамам кәсиб вә бамбашга биринә чеврилиб. Онун заһири ҝөркәми кими дахили аләми дә тамам дәјишиб.
БШИҺ-нин башчысы өвладынын бу јолу сечмәсиндән мөһкәм наразы вә нараһат олса да оғлу илә баҹармајыб. Вәзијјәтин белә дәјишмәси исә ил јарым әввәлә тәсадүф едир. Һәр шеј Исрафил Абуталыбовун Инҝилтәрәјә көчмәсиндән сонра башлајыб. Рабитә вә Информасија Технолоҝијалары назири Әли Аббасовун гызы илә аилә һәјаты гурмуш оғул Абуталыбов шәхси һәјатында баш верән дәјишикликдән сонра Бакыда галмаға лүзум ҝөрмәјәрәк Лондона ҝетди. Ҝедәндән бәри, бир дәфә дә олсун Бакыја, валидејнләрини јолухмаға ҝәлмәјән Исрафил бәј гајыданда тамам ајры ҝөркәмдә вә овгатда иди. О, вәһһабиләр кими узун саггал сахламышды, онлар кими шалварынын балағыны ҝөдәлтмишди. Валидејнләри бундан тәәҹҹүбләнсә вә ҝөзләмәдикләри белә јенилијә етираз етсә дә о, һеч кимә вә һеч нәјә мәһәл гојмадан өз ишиндәдир. Һазырда да евә гапылараг ҝүндә 5 рүкәт намазыны гылыр, вахтыны јалныз дини әдәбијјат охумагла кечирир. Әввәлки помпејвари һәјат тәрзини дәјишән ҝәнҹ Абуталыбов евдә валидејнләри илә тез-тез узун-узады сөһбәт вә мүбаһисәләр едир, ону баша дүшмәләрини истәјир, јахынларынын да “Аллаһ јолуна ҝәлмәсини” тәләб едир. Бу мәсәлә илә бағлы евдә тез-тез мүнагишә, ҝәрҝинлик вә наразылыг јараныр.Илһам Әлијев вә һакимзетин зуһари ешалону мери Даун адландирир.
АзериЕвроТимес
Диггәт: Хәбәрдән истифадә етдикдә мәнбәјә истинад лазымдыр
