Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сон ҝүнләр башда ишғалчы исраил режими олмагла АБШ вә Гәрб дүнјасы ИШИД террор гүввәләрини Ираг Түркмәнләринин олдуғу јерләрдән чыхардараг Күрд Пешмәрҝәләрини мејдана салыб Шиә Түркмәләрин ҹанына дүчар едибләр.
Бу һагда “Ираг Түркмән Ҹәбһәси”нин рәһбәри Ершат Салеһи Ирагын Тузһурмату гәсәбәсиндә Пешмерҝе (күрд силаһлы гүввәләри) илә Шиә түркмәнләр арасында атәшкәслә нәтиҹәләнән гаршыдурмалар барәдә данышыб. Салеһи гаршыдурмалара ПКК-нын да гарышмасына ҝөрә Күрд партијаларындан ачыглама ҝөзләдикләрини билдириб.
ИТҸ Мәтбуат Мәркәзи васитәсилә тәмаса кечдијимиз Салеһи Тузһурмату һадисәләри вә ҝүндәми гијмәтләндирәрәк бунлары сөјләјиб:
“Тузһурматуда Түркмәнләрә јалныз Пешмерҝе һүҹум етмәди. Ишин ичиндә ПКК да вар. Тузһурмату мәсәләсиндә әсас тәрәфләр Күрд груплар вә Шиә түркмәнләр олдуғундан орада миллијјәтчи бир һаванын әсмәси мүмкүн дејил. Түркмәнләрә бүтүн Шиә груплар вар ҝүҹләри илә дәстәк верди. Амма Түрк дүнјасы бизи јенә хәјал гырыглығына уғрадыб, дәстәк вермәди вә ја вермәк истәмәди... Бир милләт ҝөз ҝөрә-ҝөрә јох олур, кимсәнин түкү тәрпәнмир”.
P.S: Гејд едәк ки, Түрк дүнјасынын Ираг Шиәләринә јардым етмәмәси бир мәналыдыр. Чүнки Түрк дүнјасы илә Күрдләри бир-биринә бағлајан үнсүр мәзһәбчиликдир- сннүчилик.
Диггәт: Хәбәрдән истифадә етдикдә мәнбәјә истинад лазымдыр
