Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Талыш бөлҝәсинин руһаниләри Гафгазын Мүсәлманлары Идарәсинин сәдри Шејх Аллаһшүкүр Пашазадәјә сон заманлар телевизија каналларында диндарлара гаршы апарылан гарајахма кампанијасы илә бағлы мүраҹиәт едибләр.
Мүраҹиәтин мәтнини:
Һөрмәтли Шејх! Азәрбајҹан Республикасында ҝүҹ структурларындан сајылан Милли Тәһлүкәсизлик Назирлијинин сабиг рәһбәр һејәтинин гејри-гануни рүшвәтхорлуғундан, вәзифә сәлаһијјәтләрини ашмасындан вә бизә мәлум олмајан бу кими диҝәр ҹинајәтләри төрәтмәсиндән хәбәрдарсыныз. Бу ҹинајәткар дәстәнин јетириб һәлә дә һимајә етдији бәзи мәмурлар вә бәзи телевизија каналлары өз вәзифә сәлаһијјәтләрини ашараг диндарлары өз чиркин мәгсәдләринә һәдәф едир, мүхтәлиф үсулларла инсанлара зүлм едәрәк дөвләтдәки сабитлији позмаға чалышыр вә гәрәзли шәкилдә халгла дөвләт арасында учурумлар јарадырлар.
Биз ашағыдакы мөвзуну сизин диггәтинизә чатдырмағы өзүмүзә вәзифә билирик.
Нәзәринизә чатдырырыг ки, АТВ, Хәзәр ТВ, Спаҹе ТВ вә Лидер ТВ Гафгаз Мүсәлманлар Идарәси тәрәфиндән өлкәмизә дәвәт олунан вә һәмин идарәнин нүмајәндәләри илә бирликдә өлкәмизин мәсҹид вә зијарәтҝаһларыны, Шәһидләр Хијабаныны зијарәт едән јашлы алими халгымыз гаршысында террор лидери кими танытдырараг, садәҹә бу алимлә ҝөрүшмәјә ҝедән диндарлары дејил, Гафгаз Мүсәлманлар Идарәсини, һәтта дөвләтимизи белә, террорун дәстәкчиси кими ҝөстәрирләр. Бу ТВ-ләрин сәриштәсизҹәсинә ишләтдикләри гәрәзли ҹүмләләр диндарлардан даһа чох дөвләтимизин мәнафејинә вурулан зәрбәдир. Әмин олун, дөвләтимизин дүшмәнләри бу ТВ-ләрин апарыҹы вә һимајәдарлары кими сәриштәсиз дејил. Онлар јалан вә бөһтан долу бу кадрларла дөвләтимизин дүшмәнләринин әлинә “фактлар” верәрәк, даһа чох дөвләтимизә зәрәр јетирир вә халгла дөвләт арасында проблем јаратмаға чалышараг өлкәмиздәки сабитлији позмаға ҹан атырлар.
Бурада сөһбәт һансыса Мүсәлман Бирлији Һәрәкатынын гануни гејдијјатда олуб-олмамасындан ҝетмир, сөһбәт бир вәтәндашын полис идарәсинә чағырылараг, гәзаја ҝетмәкдә олан намазыны гылмаг истәдијинә ҝөрә идарәдә дөјүлүб тәһгир олунмасындан ҝедир.
АТВ, Хәзәр ТВ, Спаҹе ТВ вә Лидер ТВ каналлары инанҹлы бир инсанын шәклини ҝөстәрәрәк, ону дүнја дөвләтләри тәрәфиндән террорист елан едилән тәшкилатларын лидерләринин Азәрбајҹандакы давамчысы адландырмагла һәмин шәхсә дејил, дөвләтимизә зәрбә вурурлар. Ҹинајәти һеч бир дәлил-сүбутла тәсдиг едилмәјән бир шәхс, һәр ҝүн көрпә ушагларын белә башыны кәсән ИШИД террорчулары илә бир сәвијјәдә тутулур. Өзү дә Гафгаз Мүсәлманлар Идарәси тәрәфиндән өлкәмизә дәвәт олунан вә сизин өзүнүзүн дә өлкәмизә ҝәлишини бәрәкәт адландырдығыныз Ајәтуллаһ Нури Һәмәданинин әлини өпмәсини әкс етдирән кадры ҝуја дәлил олараг ҝәтирирләр. Сөзүҝедән каналлар бу әмәлләри илә Гафгаз Мүсәлманлар Идарәсинин бир террорчуну вәтәнимизә дәвәт етдијиними демәк истәјирләр?!
Нә замандан бир мүҹтәһидин әлини өпмәк террористләрин һеч бир нараһатлыг һисси кечирмәдән ҝүнаһсыз инсанларын башларыны кәсмәси илә бәрабәр тутулур? Јахуд һансы террорист бу ҝүнә гәдәр јашлы бир алимин әлини өпүб?! Әксинә, онлар бу әмәли бидәт сајыр вә буна ҝөрә баш кәсирләр.
Һөрмәтли Шејх! Имзалары бу мүраҹиәтә әлавә олунмуш руһаниләр адындан Сиздән хаһиш едирик ки, әһалисинин тәхминән 80 фаизи өлкәмиздәки бүтүн дин вә мәзһәбләрә һөрмәтлә јанашан шиәләрдән ибарәт олан халгымызы нә гәдәр ки, бүтөвлүклә террорист вә террор дәстәкчиси елан етмәјибләр, бу мәсәләнин һәлл едилмәсинә көмәк едәсиниз.
Диггәт: Хәбәрдән истифадә етдикдә мәнбәјә истинад лазымдыр
