Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, дүнән Ҹүмә Ахшамы, 22 октјабр, 2015 тарихдә јерли вахтла 19:20-дә, Бакы вахты илә, 02:40 –да Малазија полиси Шиәләр тәрәфиндән Имам Һүсејн (әлејһи сәлам) үчүн тәшкил едилән матәм мәҹлисинә һүҹум едиб.
Малајзија полиси пајтахт Куала Лумпурда Имам Рза (әлејһи сәлам) адына һүсејнијјәдә тәшкил едилән матәм мәҹлисинә мүдахилә едәрәк, әза мәҹлисинин тәшкилатчысы Һөҹҹәтүл Ислам Һаҹы Мәһәммәд Камил Зуһејри ибн Әбдүләзиз башда олмагла даһа 15 нәфәри һәбс едиб.
Гејд едәк ки, 2010-ҹу илдә дә Һиҹри Гәмәри тарихи илә 1432-ҹи илдә Малазијанын Сәланҝур әјаләтинин полиси Шиәләр тәрәфиндән тәшкил едилән матәм програмларына һүҹум етмишдир.
Полис Һөҹҹәтүл Ислам Һаҹы Мәһәммәд Камил Зуһејри вә Иран Ислам Республикасы тәрәфиндән ҝөндәрилмиш тәблиғатчы һөҹҹәтүл-ислам вәл Мүслимин Моһсин Радмәрди һәбс едәрәк бир мүддәт азадлыгдан мәһрум етмишдир.
Устад Камил Зуһејр полис машынына салынараг һәбсханаја апарылдығы ан достлары илә сағоллашараг әл тәрпәдир
Диггәт: Хәбәрдән истифадә етдикдә мәнбәјә истинад лазымдыр
