Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бәһрејнин пајтахты Манама вә диҝәр рајонларында хәлифә сүлаләсинин аҹы сијасәтләринә гаршы етиразлар сәнҝимир.
Мәлумата ҝөрә, бир груп етиразчылар күчә вә хијабанлара чыхараг Вифаг Партијасынын Сәдри Шејх Әли Сәлман вә с. сијаси мәһбусларын азад олмаларыны тәләб едибләр.
Гејд едәк ки, 2011-ҹи илдә Бәһрејн "Ислам Ојанышы" ады илә танынан далғанын шаһиди олду. Нүмајишчиләр 14 февралда Лулу рајонунда өлкәјә ганунсуз һаким кәсилмиш крал тәрәфиндән гәбул олунан Милли Әмәк Низамнамәсинә 10 гејдин әлавә едилмәси тәләбилә етираз аксијасы кечирдиләр. Бу сијаси вә игтисади ислаһатларын һәјата кечирилмәсини тәләб едән мүхалифәт рәһбәрлик едирди.
17 февралда Бәһрејн краллығынын Сәуди Әрәбистанындан ҝәтиздирдији тәһлүкәсизлик гүввәләри иғтишашлара мүдахилә етди. Бу мүдахилә нәтиҹәсиндә чохлу сајда Шәһид олан вә јаралананлар олду.
Минләрлә ҝүнаһсыз инсан, гадын вә ушаг һәбс едиләрәк зинданлара атылды. Нәһајәт 2014-ҹү илин Декабр ајында Вифаг Партијасынын сәдри Шејх Әли Сәлман хәлифә сүлаләси тәрәфиндән прокуротураја чағрылараг һеч бир сәбәб ҝөстәрилмәдән һәбс едилмишдир.
Диггәт: Хәбәрдән истифадә етдикдә мәнбәјә истинад лазымдыр
