Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Гүдс Ҝүнү илк дәфә 1982-ҹи илдә Ислам Ингилабынын лидери Ајәтуллаһ Хомејнинин тәшәббүсү илә Фәләстинин азадлығына дәстәк үчүн кечирилиб. О вахтдан ИИР-да, Ливанда вә бир чох Мүсәлман өлкәләриндә һәр ил Мүбарәк Рамазан ајынын сонунҹу ҹүмә ҝүнү Фәләстин халгына дәстәк тәдбирләри мәгсәди илә Гүдс Ҝүнү кечирилир.
Мүбарәк Рамазан ајынын сон ҹүмәси бүтүн дүнјада олдуғу кими Азәрбајҹанда да бејнәлхалг Гүдс Ҝүнү кими гејд едилир.
Исламинсеси.орҝ өз охуҹуларыны ҝүндәлик олараг Гүдс Ҝүнү вә онун өнәми илә бағлы илаһијјатчыларын, сијасәтчиләрин вә зијалыларын мөвгеји илә таныш едир. Бу ҝүнкү мүсаһибимиз танынмыш ислам алими Зүлфүгар Микајылзадәдир.
-Гүдс Ҝүнүнүн әһәмијјәти барәдә нә дејә биләрсиниз?
-Гүдс Ҝүнүнүн әһәмијјәтиндән данышаркән, бир мәсәләјә хүсиси диггәт јетирмәк лазымдыр. Гуранын вә Рамазан ајынын бизә ашыладығы ән үмдә мәсәлә әслиндә инсанын өзүнә инамыдыр. Инсан Аллаһын јер үзүндә шаһ әсәридир вә бундан бөјүк бир мәгам јохдур. Бу ҝүн дүнјада шејтан вә шејтанын балалары тәблиғат јајырлар ки, сиз мүбаризә апарыб гәләбә газанмағы баҹармајаҹагсыныз. Буну дүнја халгларына, мүсәлман халгларына ашыламаг истәјирләр. Бу бахымдан Гүдс Ҝүнү өзүнәинамын тәҹәссүмү олду. Бу мүраҹиәт, чағырыш бүтүн дүнјада мүсәлманларын өзүнә инамыны гајтармаға һесабланмышды вә һәдәфинә дә чатмаг үзрәдир. Бу бахымдан Гүдс Ҝүнү бүтүн ислам дүнјасы үчүн бөјүк әһәмијјәт кәсб едир.
-Бу мүраҹиәт Азәрбајҹан халгы үчүн һансы өнәм кәсб едир?
- Бу мөвзу бизим үчүн тәкҹә она ҝөрә мүһүм дејил ки, торпагларымыз ишғал атындадыр. Тәкҹә Гарабағ дејил, Суријада, Јәмәндәки проблемләр дә ејни маһијјәт дашыјыр. Биз нә христианларла, нә јәһудиләрлә мүбаризә апармырыг. Биз јанлыш фикирлә, сионист тәфәкккүрлә мүбаризәдәјик. Буну дин мүбаризәси кими гәләмә верирләр. Амма бурда дин мүбаризәси ҝетмир, сүнни - шиә давасы ҝетмир. Бизим алимләримиз Гүдс Ҝүнүнү дүнјаја анлатмагла ҝөстәрди ки, дүнјада сүнни- шиә проблеми јохдур, ваһид исламын ваһид мүбаризә һәдәфи вар.
-Гүдс Ҝүнү мүсәлманлара һансы фикирләри тәлгин едир?
-Инсан һеҹ вахт үмидини итирмәмәлидир, ҝәләҹәјә никбин бахмалыдыр. Аллаһ Гурани -Кәримдә Мәккәнин азад едилмәсини бөјүк гәләбә кими тәгдим едиб. Илләрлә пејғәмбәр Мәккәни бүтпәрәстләрин ишғалындан азад етмәк јолунда мүбаризә апарды. Аллаһ мүгәддәс китабда Мәккәнин фәтһинин сәбәбләрини мүсәлманлара нәсиб еләди. Сурәдә дејилир ки, биз Мәккәни сизин үчүн фәтһ етдик. Аллаһ сизә јенилмәз көмәк етди. Аллаһ бујуруб ки, бүтпәрәстләри она ҝөрә ҹәзаландырдыг ки, онлар Аллаһа бәдбин идиләр. Аллаһ Мәккәнин азадлығынын ачарыны Она никбин оланлара бәјан етди. Гүдс Ҝүнү дә мүсәлманлара мәһз зәфәрә инам, мүбаризә јолунда гәләбә үмиди тәлгин едир.
Диггәт: Хәбәрдән истифадә етдикдә мәнбәјә истинад лазымдыр
