Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Русиjада сәфәрдә олан Суриjа баш мүфтиси Суриjада террорчулугла мәшғул олан МДБ вә Русиjа вәтәндашларынын саjыны ачыглаjыб
Суриjанын баш мүфтиси Әһмәд Бәдрәддин Һәссун Русиjада “Ислам дүнjасы” конфрансында иштиракы әрәфәсиндә ИШИД вә террочулугла бағлы чыхыш едиб.
Әһмәд Бәдрәддин Һәссун билдириб ки, Суриjа әразисиндә ИШИД тәркибиндә 70 мин әҹнәби террорчу фәалиjjәт ҝөстәрир ки, онлардан 5-7 мин нәфәри Русиjа вә МДБ өлкәләриндән олан террорчулардыр.
Әһмәд Бәдрәддин Һәссун: “Бүтүн дүнjадан ИШИД тәрәфдән 70 мин террорчу дөjүшүр, бунлардан 5-7 мин нәфәр исә Русиjа вә МДБ өлкәләриндән олан террорчулардыр. Бәзиләри аиләләр илә ҝәлирләр, һазырлығы Түркиjә әразисиндә кечирләр, малиjjә дәстәкчиләри Сәудиjjә Әрәбистаны, һәрби тәлиматчылары исә АБШ вә Британиjалылардыр”. Суриjа мүфтиси геjд едиб ки, МДБ өлкәләри арасында ИШИД-ә гошулан террорчулар ән чох бу өлкәләрдәндир: Газахстан, Азәрбаjҹан вә Түркмәнистан.
Геjд едәк ки, 2011-ҹи илдән Суриjа дүнjа террорчуларынын топлашдығы мәскәнә чевирилиб. Һөкумәт гүввәләри 400-дән артыг ҹәбһәдә “Нусра Ҹәбһәси”, ИШИД вә диҝәр террор тәшкилатлары илә мүбаризә апарыр. Бу илләр әрзиндә Суриjада 200 миндән артыг инсан һәлак олуб, милjонларла иснан исә гачгын вә мәҹбури көчкүнә черирилиб.
Диггәт: Хәбәрдән истифадә етдикдә мәнбәjә истинад лазымдыр
