Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Тунис мәһкәмәси мүхалифәт лидерләри, иш адамлары вә вәкилләри милли тәһлүкәсизлијә гаршы чеврилишдә иттиһам едәрәк 13 илдән 66 илә гәдәр һәбс ҹәзасына мәһкум едиб.
Дөвләт тәһлүкәсизлијинә гаршы тәхрибат иши Тунисдә бир сыра танынмыш мүхалифәт хадимләринин мүһакимә олундуғу ән мүбаһисәли ишләрдән биридир. Тәгсирләндирилән шәхсләрин мүдафиә групу һеч бир һөкмү танымајаҹағыны ачыглајыб.
Мәһкәмәдә 40-а јахын адам, о ҹүмләдән танынмыш сијасәтчиләр вә иш адамлары, Республикачылар Партијасынын рәһбәри Ессам Әл-Шааби, Демократик Ҹәрәјанын кечмиш баш катиби Гази Әл-Шаваши, конститусија һүгугу профессору Ҹөвһәр Бин Мүбарәк, әл-Неһза Партијасынын кечмиш рәсмиси Әбдул Һәмид Жәласи вә диҝәрләри иштирак едир.
Мүттәһимләр 2023-ҹү илдә президент Гајс Сәидә гаршы чеврилиш етмәк үчүн террор груплашмасы јаратмаг, милли тәһлүкәсизлијә гаршы тәхрибат вә террор ҹинајәтләри төрәтмәјә ҹәһд, һабелә малијјә коррупсијасы иттиһамлары илә һәбс едилибләр.
Президент Гејс Сәид-ин әлејһдарлары вә тәнгидчиләри вә мүттәһимләрин аиләләри Тунис мүхалифәт лидерләринин мәһкәмәсини фактлардан мәһрум вә иттиһамлары әсассыз һесаб едир вә иҹра һакимијјәтинин мәһкәмә системинә мүдахиләси сәбәбиндән мәһкәмәнин сијаси олдуғуну дүшүнүрләр.
Sizin rəyiniz