Президент Сејид Ибраһим Рәиси бу ҝөрүшдә гејд едиб ки, бу ҝүн сионист режимин мәзлум Фәләстин халгына гаршы ҹинајәтләри илә гаршылашмаг мүсәлман халгларын тәләбидир, буна ҝөрә дә, Ислам өлкәләринин гәсбкар сионист режимин вәһшиликләринә гаршы дурмагда даһа координасијалы олмасы лазымдыр.
Рәиси, һәмчинин Иран Ислам Республикасы илә Түркијә арасындакы әлагәләри чохиллик вә көклү адландырыб вә дејиб: "Ислам өлкәләринин бәдхаһларынын сәјләринә бахмајараг, биз дини вә мәдәни ортаг әсаслара архаланмагла Ислам өлкәләри арасында мүхтәлиф саһәләрдә әлагәләрин ҝүндән-ҝүнә дәринләшмәси вә инкишафынын шаһиди олмалыјыг".
Мәрасимдә Түркијәнин јени сәфири дә Иран Ислам Республикасында олмагдан мәмнунлуғуну ифадә едәрәк, Иран вә Түркијә мүнасибәтләрини гардашлыг вә достлуг мүнасибәти кими характеризә едиб вә дејиб: "Сизи әмин едирәм ки, әмәкдашлығын сәвијјәсини јүксәлтмәк вә ики өлкә арасында мүбадилә вә гаршылыглы әлагәләри артырмаг үчүн әлимиздән ҝәләни едәҹәјик".
342/
