Гәрб өлкәләри, о сырадан Авропа Бирлијинә үзв өлкәләр Украјна мүһарибәси башланандан бәри Русија әлејһинә енержи саһәси дә дахил олмагла мүхтәлиф саһәләрдә санксијалар тәтбиг едибләр. Бу санксијалар бир чох һалларда әкс нәтиҹә вериб вә онлары чәтин шәраитә салыбдыр.
Авропа Бирлијинә үзв өлкәләрин нүмајәндәләри Брүсселдә кечирдикләри иҹласда, базарда хам нефтдән даһа јүксәк гијмәтлә сатыша ҝедән дизел јанаҹағы кими нефт мәмулатларынын һәр баррелинин гијмәтини јүз доллар тәјин едибләр.
Онлар һәмчинин базарда гијмәтләри хам нефтин гијмәтиндән даһа ашағы олан мазут кими нефт мәмулатларынын һәр баррели үчүн гырх беш долларлыг гијмәт тәјин едибләр.
Бу јени гијмәт таваны базар ҝүнүндән тәтбиг едилмәлидир.
Сөзүҝедән иҹласда Полша, Латвија, Литва вә Естонија/ Русијанын нефт ҝәлирләринин даһа да азалмасы үчүн јени гијмәт таванларынын даһа ашағы сәвијјәләрдә гәрарлашмасына сәј ҝөстәрибләр.
Авропа Бирлији, једдиләр групу вә Австралија өтән илин декабрында Русија хам нефтинин һәр баррели үчүн максимум алтмыш доллар тәјин етмишдиләр.
Белә бир һалда, Авропа Бирлији гаршыдакы һәфтәләрдә Русијаја гаршы өзүнүн онунҹу санксија пакетини иҹра етмәји планлашдырыр.
342/
