Бу ҹүмлә Ислам Ингилабынын Алимәгамлы Рәһбәри Һәзрәт Ајәтуллаһүл-үзма Хаменеинин 17 јанвар 2020 тарихли ҹүмә хүтбәсиндән сонра дилләрә дүшдү. О һәзрәт бујурмушдур: "Биз әзиз шәһидимиз Һаҹы Гасим Сүлејманијә бир фәрд кими дејил, бир мәктәб кими бахмалыјыг. Бу әзиз шәһидимизи дәрс долу бир мәктәб, бир јол кими ҝөрмәлијик".
Ислам Ингилабынын Бөјүк Рәһбәри 2022-ҹи ил јанвардын 1-дә исә Шәһид Сүлејманинин аилә үзвләри вә бир нечә силаһдашы илә ҝөрүшүндә “сәдагәт” вә “ихлас” принсипләринин Сүлејмани мәктәбинин мәғзи, рәмзи вә ҝөстәриҹиси олдуғуну вурғуламышдыр.
Ингилаб Рәһбәри ҝенерал Сүлејманинин Рәбби илә бағладығы әһдә вәфадырлығыны, һабелә Имам Хомејни (р.ә) мәктәбинә, Исламын вә Ингилабын амалларына сәдагәтини онун фәалијјәтләринин уғур амили һесаб едәрәк, сөзүнә белә давам етмишдир: “Иран халгынын әзиз команданы амаллар уғрунда мүбарәзәнин әзијјәтләринә синә ҝәрди, Иран халгы вә Ислам үммәти гаршысында вәзифәләрини өмрү боју там диггәтлә јеринә јетирди. Һаҹы Гасим сүбут етди ки, милләтә фајдалы бир инсан олмагла јанашы, үммәтә дә фајдалы бир инсан олмаг мүмкүндүр.”
Алимәгамлы Рәһбәр Сәрдар Сүлејманинин дәфн мәрасиминдә милјонларла инсанын иштиракыны хатырладараг билдирмишдир: “Бу һәгигәт ону ҝөстәрир ки, Һаҹы Гасим халгын парлаг симасыдыр. Халгын Сәрдар Сүлејманинин шүҹаәтини алгышламасы онун илаһи әһдә вәфадарлығынын вә сәдагәтинин сәмәрәләриндәндир. Милјонларла инсанын ону ахирәт мәнзилинә јола салмасы вә онун адынын дүнјада мәшһурлашмасы Аллаһын онун ихласына бу дүнјада вердији илк мүкафат иди.”
О, Шәһид Сүлејманинин Ислам дүнјасы вә реҝион ҝәнҹләринин өрнәјинә вә гәһрәманына чеврилдијини вурғулајараг демишдир: “Бу ҝүн Сүлејмани бизим реҝионда үмид, өзүнәҝүвән, рәшадәт, дөнмәзлик вә гәләбә рәмзидир”.
Ингилаб Рәһбәри сосиал шәбәкәләрдә Шәһид Сүлејманијә аид мәлуматларын ахтарышынын әнҝәлләнмәсини һеҝемон дөвләтләрин Шәһид Сүлејманинин һәтта адындан белә горхдугларынын, о гијмәтли өрнәјин јајлмасындан ниҝаран олдугларынын сүбуту кими гејд етмишдир.
342/
