Бу, Алманија сәфиринин сон ҝүнләр Хариҹи Ишләр Назирлијинә икинҹи дәфә чағырылмасы иди.
Алманија канслери Олаф Солтс Твиттер сәһифәсиндә Авропа Бирлијинин Ирана гаршы санксијаларынын јени мәрһәләсини дәстәкләјәҹәјини ачыглајыб.
Иран Хариҹи Ишләр Назирлијинин Гәрби Авропа Департаментинин директору Алманијанын Иранын дахили һадисәләри илә бағлы деструктив јанашмасына Иранын кәскин етиразыны бу өлкәнин сәфиринә чатдырыб.
О, бу ҹүр ифадәләрин вә гејри-конструктив һәрәкәтләрин Теһран-Берлин әлагәләринин ҝәләҹәјинә тәсиринә ҝөрә Алманијанын мәсулијјәт дашыдығыны билдириб.
Иран Хариҹи Ишләр Назирлијинин рәсмиси билдириб ки, Иран диҝәр тәрәфләрин тәдбирләрини изләјир вә милли мараглара вә Иранын ләјагәтинә ујғун олараг лазыми ҹаваб верәҹәк.
Алманија сәфири исә өз нөвбәсиндә Иранын етиразыны Алманија һөкумәтинә чатдыраҹағыны билдириб.
Сәфирә Ирандан рәсми етираз мәктубу да тәгдим олунуб.
Иран Хариҹи Ишләр Назирлијинин сөзчүсү Насир Кәнани дә базар ҝүнү мүвафиг шәрһләрдә Алманија канслеринин Ислам Республикасы илә бағлы тутдуғу сон мөвгеји гејри-дипломатик, тәхрибатчы вә мүдахиләчи адландырыб.
"Тәәссүфләр олсун ки, бәзи гондарма инсан һаглары мүдафиәчиләри бөјүк Иран халгына гаршы Сәддам режимини дәстәкләмәклә бағлы өз гаранлыг тарихләрини унудублар", - дејә Кәнани вурғулајыб.
Бундан әввәл Иранын хариҹи ишләр назири Һүсејн Әмир Абдуллаһиан да алманијалы һәмкары Анналена Бербука хитабән јаздығы бир твитдә тәһрикедиҹи, мүдахиләчи вә гејри-дипломатик мөвгеләрин пүхтәлик вә мүдриклик әламәти олмадығыны бәјан едәрәк, дејиб: "Берлин ортаг чағырышлары һәлл етмәк вә ја гаршыдурманы давам етдирмәк үчүн мәшғул олмаг арасында сечим едә биләр. Бизим ҹавабымыз мүтәнасиб вә гәти олаҹаг".
342/
