Насир Кәнани бу ҝүн Теһранда медиа мәнсублары үчүн кечирдији брифингдә буну дејиб.
Иранын һәмишә ҹидди, конструктив вә мәсулијјәтли шәкилдә данышыгларда иштирак етдијини билдирән Кәнани әлавә едиб: "Биз Авропа тәрәфинин тәклифләринә вахтында ҹаваб вердик. Биз данышыгларда јениликчи даврандыг вә разылыға ҝәлмәк үчүн лазыми чевиклик нүмајиш етдирдик вә инди Америка тәрәфи тәклифә өз ҹавабыны сүрүндүрүр.
Иранлы дипломат нүвә сазишинин һазыркы шәртләринә вә бу сазишин јеринә јетирилмәмәсинә ҝөрә АБШ һөкумәтинин мәсулијјәт дашыдығыны гејд едәрәк сөјләјиб ки, АБШ һөкумәти мөвҹуд вәзијјәтә ҝөрә мәсулијјәт дашыјыр.
Хариҹи Ишләр Назирлијинин сөзчүсү сонра дејиб: "Биз өлкәнин ҝүзәраныны вә игтисадијјатыны данышыглар просесинә бағламајаҹағыг вә санксијаларын ләғвини данышыглар просесинә аид олан мәсәләләрдән бири һесаб едирик. Иран Ислам Республикасы өз приоритетләрини һәјата кечирәҹәкдир."
Онун сөзләринә ҝөрә, әҝәр Иран нүвә сазишинә еһтијаҹлыдырса, АБШ вә авропалылар даһа чох буна мөһтаҹдырлар.
“Индијә гәдәр биз данышыгларла бағлы нисбәтән јахшы ирәлиләјиш әлдә етмишик, лакин данышыглар бир-биринә бағлы мөвзулардан ибарәтдир. Биз данышыгларла бағлы бүтүн мәсәләләрдә разылыға ҝәлмәлијик вә бүтүн мәсәләләр разылашдырылмајана гәдәр разылыға ҝәлдијимизи дејә билмәрик”, - дејә о әлавә едиб.
342/
