АБНА24 Хәбәр Верир ,Ингилаб Рәһбәри вурғулајыблар: Ислам Республикасынын Игтидар системи вә онун мүхтәлиф саһәләрдәки наилијјәтләри нәтиҹәсиндә Иран халглар үчүн ҹәлбедиҹи бир моделә чеврилиб.
Һәзрәт Ајәтуллаһүл-узма Хаменеи бир чох саһәдә өзүнү-тәмин етмәк, о ҹүмләдән 6 нөв корона пејвәндинин истеһсалыны, хариҹи борҹун сыфыра ендирилмәсини, елми, сәнаје вә техноложи саһәләрдә ирәлиләјишләри Иран Ислам Республикасынын уғурунун нишанәләри адландырараг бујурмушлар: Уғурун башга бир нүмунәси өлкәнин идарә олунмасы просесинин дүзҝүн вә рәван тәрәггиси вә бәзи диҝәр өлкәләрдән фәргли олараг вә бүтүн дүшмәнчиликләрә рәғмән, өлкәнин гануни шәкилдә идарә олунмасыдыр.
Ислам Ингилабынын Алимәгамлы Рәһбәри бәјан едибләр ки, бу наилијјәтләр вә Иранын реҝионда стратежи дәринлији вә мәнәви тәсиринин ҝенишләнмәси кими диҝәр мәсәләләр Ислам Республикасыны ҹәлбедиҹи нүмунәјә чевириб.
Ингилаб Рәһбәри әлавә едибләр: “Дүшмән өз тамаһкарлығына әсасланараг әввәлләр дејилмиш мәјуседиҹи сөзләри сөјләјир, лакин онларын һамысынын јанлыш олдуғу сонрадан сүбута јетирилир, неҹә ки, Сәддам тәтбиг етдији мүһарибәнин әввәлиндә Теһраны бир һәфтә әрзиндә фәтһ едәҹәјини вәд етди вә ја бир нечә ил әввәл америкалы тәлхәк милад бајрамыны Теһранда гејд едәҹәкләрини билдирди, анҹаг прогнозлары дүзҝүн чәхмады.”
Ислам Ингилабынын Алимәгамлы Рәһбәри вурғулајыблар: Чох мүһүм мәсәләдир ки, мәғрур америкалылар Ирана максимум тәзјигин уғурсузлугла нәтиҹәләндијини ачыг шәкилдә етираф едирләр вә бу унудулмамалыдыр.
Һәзрәт Ајәтуллаһүл-узма Хаменеи сөзүнә давам едәрәк өлкә дипломатијасынын јахшы истигамәтинә ишарә илә вурғулајыблар: Рәсмиләр нүвә мәсәләсиндә гәтијјән ҝөзләмә мөвгејиндә дурмамалы вә проблемләрин һәлли үчүн өлкәнин имканлары әсасында план гурмалы вә һәрәкәтә кечмәлидирләр.
Ислам Ингилабынын Бөјүк Рәһбәри мүзакирәләрә мәсул олан шәхсләри ингилабчы, диндар вә гејрәтли адландырыб вә нүвә мүзакирәчиси һејәтинин тамаһкарклыглар вә тәһдидләр гаршысындакы мүгавимәтиндән мәмнун олдугларыны билдириб вә дејибләр: Бир чох проблемләрә галиб ҝәлмиш Ислам дөвләти халга ҝүвәнәрәк, бу мәрһәләни дә архада гојаҹагдыр.
Һәзрәт Ајәтуллаһүл-узма Хаменеи сөһбәтинин давамында фәләстинли ҝәнҹләрин ишғал олунмуш әразиләрдә ојанышыны вә һәрәкәтләрини јүксәк гијмәтләндирәрәк дејибләр: Бу һәрәкәтләр АБШ вә онун ардыҹылларынын сәјләринә бахмајараг Фәләстинин јашадығыны ҝөстәрир вә Аллаһын лүтфү илә сон гәләбә мәһз Фәләстин халгына нәсиб олаҹаг.
Ислам Ингилабынын Алимәгамлы Рәһбәри һәмчинин Сәудијјә рәсмиләринә мәрһәмәтли вә хејирхаһ нәсиһәтләриндә мәзлум Јәмән халгынын шүҹаәтини јүксәк гијмәтләндириб вә Сәуд режиминә хитабән дејибләр: Нә үчүн галиб ҝәлмәјә шансынызын олмадығыны билдијиниз һалда мүһарибәни давам етдирирсиниз? Бу мүһарибәдән чыхыш јолуну ахтарын тапын.
Һәзрәт Ајәтуллаһүл-узма Хаменеи Јәмәндә сон атәшкәс тәшәббүсүнү чох јахшы адландырыб вә әлавә едибләр: “Әҝәр бу разылашма сөзүн һәгиги мәнасында һәјата кечәрсә, давам едә биләр вә Јәмән халгы шүбһәсиз ки, өзләринин вә лидерләринин сәјләри, ҹәсарәти вә тәшәббүсү сајәсиндә галиб ҝәләҹәкдир. Вә Аллаһ-Тәала да бу мәзлум халга көмәк едәҹәкдир.
342/
14 aprel 2022 - 10:20
Xəbər kodu: 1247873
Ислам Ингилабынын Алимәгамлы Рәһбәри апрелин 12-дә Иранын дөвләт рәсмиләри илә ҝөрүшдә өлкәнин бүтүн проблемләрини һәлл едилә билән мәсәлә адландырараг илин шүары илә бағлы мүхтәлиф мејарлары ачыглајыблар.
