АБНА24 Хәбәр Верир , Авропа Иттифагынын Назирләр Шурасынын үзвләри 2021-ҹи илин сонунҹу иҹласында әксәријјәт сәслә разылыға ҝәлдиләр ки, Авропанын мејар вә приоритетләринә садиг галмадығы үчүн Түркијәнин һәмин иттифага үзвлүјү үзрә мүзакирәләр дондурулмуш вәзијјәтдә галмагда давам етсин.
Шуранын сон иҹласынын бәјанатында дејилир: Тәәссүфләр олсун ки, белә бир шәраитдә Түркијәнин Авропа Бирлијинә үзвлүјү илә бағлы мүзакирәләрин сәрлөвһәләринин ачылмасы вә ја бағланмасы гејри-мүмкүндүр.
Түркијәнин әсас фәрди һүгуглар, инсан һүгуглары вә демократија мәсәләләриндә ҝериләмәсиндән ниҝаранчылыг едилән бәјанатда Анкаранын сөз вә фикир азадлыгларынын мәһдудлашдырылмасына јанашма тәрзи, һәмчинин Түркијәдә мәһкәмә системинин мүстәгил олмамасы тәнгид едилиб.
Түркијә президенти Рәҹәб Тајјыб Әрдоған Истанбулда Нидерландын баш назири Марк Рутте илә ҝөрүшдә дејиб: Авропа Иттифагындан, Түркијәнин үзвлүјү үзрә мүзакирәләрлә бағлы фәсли ачмасы, һәмчинин сүрәтлә вә јанлыш һесаблара тәслим олмадан, ҝөмрүк бирлији мүзакирәләрини бәрпа етмәсини ҝөзләјирик.
Әрдоған әлавә едиб: Әҝәр биз НАТО үзвүјүксә, НАТО-да бирликдәјиксә, онда өз һәмрәјлијимизи там шәкилдә ҝөстәрмәлијик. НАТО-ја үзв өлкәләр хүсусән мүдафиә сәнајеси саһәсиндә бир-бириләрилә һәмрәј олмалыдырлар.
2005-ҹи илдә башланан Түркијәнин Авропа Иттифагына үзвлүјү үзрә мүзакирәләр просеси 2016-ҹы илин ијулунда Түркијәдә баш вермиш уғурсуз чеврилишдән сонра дајандырылды.
342/
24 mart 2022 - 13:35
Xəbər kodu: 1241889
Түркијә Авропа Иттифагындан бу өлкәнин һәмин иттифага үзвлүјү үзрә мүзакирәләрин јени фәслини башлатмасыны истәјиб.
