АБНА24 Хәбәр Верир , бу барәдә Русија Президентинин көмәкчиси, данышыглардакы Русија нүмајәндә һејәтинин рәһбәри Владимир Медински дејиб.
Билдирилиб ки, Русија нүмајәндә һејәти артыг ҝөрүш јеринә ҝедир.
Мәлуматы Украјна президенти дә тәсдигләјиб. Зеленски дејиб ки, Украјна нүмајәндә һејәти Украјна-Беларус сәрһәдиндә, Припјат чајы әразисиндә Русија илә әввәлҹәдән шәртсиз ҝөрүшәҹәк.
Украјна дөвләт башчысынын сөзләринә ҝөрә, Александр Лукашенко Украјна нүмајәндә һејәтинин ҝедиш-ҝәлиш, данышыглар вә гајыдыш заманы Беларус әразисинә јерләшдирилән бүтүн тәјјарә, һеликоптер вә ракетләрин јердә галаҹағыны өз үзәринә ҝөтүрүб.
Гејд едәк ки, Русија нүмајәндә һејәти 15:00-а кими Украјна һејәтини ҝөзләјәҹәјини билдирмишди. Кијев Беларусун данышыглар үчүн мүнасиб јер олмадығына, һәмчинин Русијанын сүлһ үчүн Украјна ордусунун силаһы јерә гојмасы тәләбинә ҝөрә нүмајәндә һејәти ҝөндәрмәкдән имтина етмишди.
Сон мәлумат ону демәјә әсас верир ки, Кремл әввәлки тәләбиндән ваз кечиб.
342/
28 fevral 2022 - 04:35
Xəbər kodu: 1234254
Украјна Беларусун Гомел шәһәриндә Русија илә данышыглара разылашыб.
