АБНА24 Хәбәр Верир , Сионист режимин бир чох медиасы Ливан Һизбуллаһынын баш катиби Сејид Һәсән Нәсруллаһын мүгавимәтин шәһид команданларынын аным мәрасиминдәки дүнәнки чыхышыны ишыгландырыб вә бу чыхышын Һизбуллаһын дәгигвуран ракет истеһсалы баҹарығы илә бағлы һиссәси үзәриндә тәмәркүзләшиб.
Сионист режимин он икинҹи телеканалы Нәсруллаһын чыхышынын бу һиссәсини јајыб: «Дүшмәнә дејирәм: Биз минләрлә ракетиимизин бир чох һиссәсини дәгигвуран ракет етмәк баҹарығыны әлдә етмишик. Бу ишә бир нечә ил бундан габаг башламышыг вә өз ракетләримизи дәгигвуран ракетләр етмишик. Даһа онлары Ирандан көчүрмәјә еһтијаҹымыз јохдур».
Сионист «Кан» телеканалынын әрәб мәсәләләри үзрә аналитики Руи Кајс да дејибдир ки, Нәсруллаһ ачыг шәкилдә билдирди ки, Исраил режими мәһв олаҹаг.
Гәрби Асија вә Иран мәсәләләри үзрә аналитик Дени Ситринович исә белә дејиб: Һизбуллаһын баш катибинин сөзләриндән белә баша дүшмәк олар ки, Исраил режиминин өз ојун гајдаларыны горујуб сахламасы үчүн мүһарибәләрарасы дөјүшләр давам етмәјәҹәк вә бу мәсәлә Исраил режиминин Суријаја һүҹумларына аиддир.
Сејид Һәсән Нәсруллаһ дүнәнки чыхышында дејиб: Мәһз 2006-ҹы илдә о бөјүк Исраил сүгут етди. Бу режимин үмуми јолу бир тәнәззүл јолудур вә бу, тәкҹә мәним дәјәрләндирмәм дејил- дүшмәнин јүксәк чинли башчылары, бу режимин философлары вә баш нәзәријјәчиләринин бир чоху бу сөзләри дејир. Биз Исраил режимини мәһволма јолунда ҝөрүрүк вә бурада јалныз заман мәсәләсиндән сөз ҝедир.
342/
17 fevral 2022 - 13:28
Xəbər kodu: 1230573
Сионист медиа вә аналитикләр билдирибләр ки, Һизбуллаһын баш катибинин дүнәнки чыхышы ојун гајдаларынын вә таразлығын јишдирилмәси демәкдир.
