Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Франса президентлијинә намизәд Ерик Земмоур франса медиаларына вердији мүсаһибәдә Ислама вә мүсәлманлара гаршы екстремист мөвгеји илә бағлы исламофобик чыхышында дејиб ки, Франса президенти оларса, Франсадан азан сәси даһа ешидилмәјәҹәк, чүнки онун бу сәсдән хошу ҝәлмир.
Спутник-ин мәлуматына ҝөрә, Франса президентлијинә намизәд франсыз екстремистләринин сәсини ҹәлб етмәк үчүн мүсәлман адәтләринә һүҹум едәрәк дејиб: “Франса килсәләр үчүн галмалыдыр, һиҹабы гадаған едәҹәјәм, азаны дајандыраҹағам вә бөјүк мәсҹидләри бағлајаҹағам. Һеч бир мүәззинин сәсини ешитмәк истәмирәм, Франса мәсҹидләриндән азан сәсләндирмәк Франсанын мүсәлманлар фәтһи демәкдир.”
Инҝилтәрәнин Економист журналы Франса президентлијинә намизәди франсанын Трампы адландырыб вә онунла бағлы јазыб ки, Земмоур франса әсилли јәһудидир, о, Ислам әлејһинә олмагла јанашы, һәм дә анти-гадындыр вә даим екстремист вә радикал мөвге нүмајиш етдирир. О, даһа әввәл демишди ки, Франсада “Мәһәммәд” кими адлар гадаған едилмәлидир.
Диггәт: Хәбәрдән Истифадә Етдикдә Мәнбәјә Истинад Лазымдыр!
