ДТХ-дән дә реаксија олаҹагмы?

АБНА24 Хәбәр Верир, Әфлатун Амашов хариҹдә олан Ҹаваншир Фејзијевлә бу ҝүн сәһәр әлагә сахладығыны вә онун Мәтбуат Шурасынын Идарә Һејәтинин үзвлүјүндән истефасы мәсәләсини мүзакирә етдијини билдириб. “ Бир нечә ҝүнә ҝәләҹәк. Онун өзүнүн дә иштиракы илә Идарә Һејәтинин иҹласында мәсәләни бир даһа мүзакирә едәҹәјик", - дејә Ә.Амашов вурғулајыб.

Ҹананшир Фејзијевин сон сөзләриндән онун парламентдәки һәмкарлары да тәәссүфләндикләрини билдирибләр.

Әфлатун Амашовун бәјанатындан сонра Ҹаваншир Фејзијев өзүнүн фејсбук сәһифәсиндә Мәтбуат Шурасынын үзвлүјүндән истефа вердијини билдириб.

Парламентин Интизам комиссијасынын сәдр мүавини Фәзаил Ағамалы Репорт.аз-а дејиб ки, депутат Ҹаваншир Фејзијев вә журналистләр арасында бу ҹүр мүнасибәтләрин јаранмасы онда тәәссүф доғурур.

Фәзаил Ағамалыја ҝөрә Ҹаваншир Фејзијјевин бөһтанларынын һәдәфиндә олан журналистләр парламентә мүраҹиәт етсәләр Милли Мәҹлисин Интизам комиссијасында онун мәсәләсинә бахыла биләр.

Гејд едәк ки, Милли Мәҹлисин депутаты Ҹаваншир Фејзијев онун вә аилә үзвләринин Лондондакы банк һесабларында сахланылан милјонларла фунт-стерлингин мүсадирә едилмәси барәдә мәлумат јајан журналистләри тәһгир едиб.

Британија-Азәрбајҹан Парламентләрарасы Әмәкдашлыг Комитәсинин һәмсәдри Ҹаваншир Фејзијевин сәрвәтинин чиркли пулларла әлдә олунмасы барәдә мәлуматын Азәрбајҹан медиасында јајылмасы депутаты гәзәбләндириб вә о Азәрбајҹанлы журналистләрин адларыны бир бир чәкәрәк онлары хариҹи өлкәләрин аҝенти олмагда ҝүнаһландырыб. О һәмчинин конкрет адларыны чәкдији журналистләри милли сатгынлар, стажлы дәләдузлар вә ҝәнҹ дәләдузлар адландырараг онларын ҹасуслуг, доносчулуг, саботажчылыг вә бөһтанчылыг кими вәзифәләри өз үзәрләринә ҝөтүрдүкләрини иддиа едиб.

Ејни заманда Мәтбуат Шурасыныны үзвү олан Ҹаваншир Фејзијевин бу фикирләри өлкә медиасында, сосиал шәбәкәләрдә бөјүк резонанс доғуруб. Медиа мәнсублары Милли Мәҹлиси вә һүгуг-мүһафизә органларыны сөзүҝедән депутат һаггында өлчү ҝөтүрмәјә чағырыблар.

Сосиал шәбәкә истифадәчиләринә ҝөрә Инҝилтәрәдә азәрбајҹанлы депутатын барәсиндә белә бир һәнҝамәдән сонра Азәрбајҹан Республикасынын коррупсија илә мүбаризә гурумлары вә ДТХ-нин пассивлији диггәт чәкир.

342/