АБНА24 Хәбәр Верир, Сејид Ибраһим Рәиси Никол Пашинјанла телефон данышығы заманы, ону Һәзрәт Иса Мәсиһин (ә) виладәти вә Јени илин башланмасы мүнасибәтилә тәбрик едиб вә ики өлкә арасында мүхтәлиф сәвијјәләрдә давамлы тәмаслар вә диалогун зәрури олдуғуну билдириб.
Иран президенти даһа сонра гејд едиб ки, Иран Ислам Республикасынын принсипиал сијасәтләриндән бири өлкәләрин әрази бүтөвлүјү вә суверенлијини дәстәкләмәкдир. Бу бахымдан Теһран Ермәнистанын бүтүн әразиләр вә бу өлкәдән кечән јоллар үзәриндә суверенлијини дәстәкләјир".
Рәиси Теһранын Ермәнистан Республикасы илә Азәрбајҹан Республикасы арасында данышыглар просесиндә ирәлиләјиши алгышладығыны билдирәрәк дејиб: "Үмид едирик ки, ики өлкә арасындакы диҝәр мәсәләләр дә бејнәлхалг принсипләр вә һүгуг чәрчивәсиндә сүлһ јолу илә һәлл олунаҹаг вә реҝионда даһа чох сүлһ, сабитлик вә тәһлүкәсизлијин шаһиди олаҹағыг".
Иран Ислам Республикасы Президенти дејиб: Теһран вә Ирәван арасында әмәкдашлыг вә игтисади мүбадилә сәвијјәсинин инкишафы бүтүн тәрәфләрин марагларыны тәмин етмәклә јанашы, шүбһәсиз ки, тәһлүкәсизлији дә тәмин едәҹәк.
Ибраһим Рәиси Иранын реҝионда каммуникасијаларын бәрпасыны дәстәкләдијини билдириб.
Никол Пашинјан да өз нөвбәсиндә өлкәсинин Иранла әлагәләрин һәртәрәфли инкишафындакы ҹиддилијини вурғулајараг дејиб: "Биз Иранла бүтүн саһәләрдә гаршылыглы мүнасибәтләри вә игтисади әлагәләри артырмаг вә Игтисади Әмәкдашлыг үзрә Бирҝә Комиссијаны әввәлкиндән даһа фәал етмәк әзминдәјик".
Иран ширкәтләринин өлкәсиндәки фәалијјәтиндән мәмнунлуғуну ифадә едән Никол Пашинјан әлавә едиб: "Иран ширкәтләринин Ермәнистанда фәалијјәти үчүн чохлу лајиһәләр вар вә биз бу ширкәтләрин инфраструктур лајиһәләринин һәјата кечирилмәсиндә даһа чох иштиракыны алгышлајырыг".
О, даһа сонра ики өлкә арасында реҝионал әмәкдашлығын әһәмијјәтини вурғулајараг, дејиб: "Әминик ки, әмәкдашлыг сәвијјәсини вә икитәрәфли координасијаны артырмагла реҝионда сүлһ вә тәһлүкәсизлијин бәргәрар олмасы үчүн мүһүм аддымлар ата биләрик".
Иранда христианларын мөвҹудлуғуна вә динҹ һәјатына тохунан Ермәнистанын баш назири вурғулајыб ки, Иранын ермәни иҹмасы дини кимлијини горујуб сахламагла һеч бир мәһдудијјәт олмадан мүсәлман иранлы сојдашлары илә бирликдә јашајыр.
342/
4 yanvar 2022 - 13:47
Xəbər kodu: 1215527
Иран Ислам Республикасы президенти Ермәнистанын баш назири илә телефон данышығында Ирәван-Бакы мүзакирәләрини мүсбәт гијмәтләндириб, Азәрбајҹан Республикасы илә Ермәнистан арасында галан мәсәләләрин дә бејнәлхалг һүгуг принсипләри әсасында диалог јолу илә һәлл олунаҹағына үмидварлығыны билдириб.
