АБНА24 Хәбәр Верир, Туран гејд едир: Трансреҝионал гүввәләрин реҝионун ишләринә гарышмаға һаггы јохдур –Иран вә Азәрбајҹанын үмуми мөвгеји беләдир. Чәршәнбә ҝүнү Бакыда президент Иһам Әлијевлә Иранын хариҹи ишләр назири Әмир Абдуллаһијанын ҝөрүшүнүн әсас лејтмотиви бу олуб.
3+3 форматы јәни Азәрбајҹан, Ермәнистан, Ҝүрҹүстан, Русија, Түркијә вә Иран арасында әмәкдашлыг реҝионда сабитлијә вә сүлһә хидмәт едир. Иранлы назир дејиб ки, “трансреҝионал гүввәләрин реҝионун ишләринә гарышмаға һаггы јохдур вә реҝион өлкәләри өз проблемләрини өзләри һәлл едә биләр”.
Өз нөвбәсиндә Илһам Әлијев дејиб ки, Бакы сијаси, игтисади вә мәдәни саһәләрдә әлагәләри ҝенишләндирмәк истәјир, ики өлкә арасында мүһүм лајиһәләр исә баша чатдырылмалыдыр.
"Реҝионал мәсәләләр реҝион өлкәләри тәрәфиндән һәлл олунмалыдыр вә биз реҝиона дахил олмајан өлкәләрин реҝионал мәсәләләрә ҹәлб олунмасынын әлејһинәјик", - Иранын КИВ-ләри Әлијевдән ситат ҝәтирир.
Хәбәр аҝентлији билдирир ки, белә олан һалда хариҹи гүввәләрин реҝионда просесләрә иштиракы вә ја мүдахиләси Ермәнистан-Азәрбајҹан мүнагишәсиндә мүмкүндүр. Конкрет десәк, сөһбәт Франса вә АБШ-ын потенсиал мүдахиләсиндән ҝедир.
Бу мәсәләдә Бакы вә Теһран мүттәфиг ола биләр. Иранын азад едилмиш әразиләрин бәрпасы вә јени коммуникасијаларын ачылмасы лајиһәләриндә иштиракы бу иттифагы мөһкәмләндирәр.
342/
24 dekabr 2021 - 10:04
Xəbər kodu: 1211791
Туран Хәбәр Аҝентлији Бакы вә Теһранын марагларынын үст-үстә дүшдүјү форматын әһәмијјәтиндән бәһс едиб.
