АБНА24 Хәбәр Верир,АБШ Дөвләт Департаментинин сөзчүсү Нед Прајс бир бәјанатда билдириб ки, Ентони Блинкен Инҝилтәрә, Франса вә Алманијанын хариҹи ишләр назирләри Елизабет Трасс, Жан Ив Ле-Дриан вә Һајко Маасла Иранын нүвә програмы барәдәки ниҝаранчылыглар вә Иран илә Американын нүвә анлашмасына гајыдышы үзрә сәјләр барәдә мәшвәрәт едиб.
Бәјанатда тәрәфләрин Иран барәдәки данышыгларынын мәзмуну һагда артыг деталлара ишарә едилмәјиб.
Инҝилтәрә, Франса вә Алманија һәлә ки, бу ҝөрүш барәдә өз нәзәрләрини тәгдим етмәјибләр.
Бу ҝөрүшүн фонунда гејд едәк ки, санксијаларын арадан галдырылмасына даир мүзакирәләр нојабрын 29-дан Вјанада башланыб.
Дејиләнләрә ҝөрә, Вјана мүзакирәләринин башланмасы илә бир заманда, 25 республикачы конгресмен Американын демократ президенти Ҹо Бајденә үнванладығы мәктубда анти-Иран бир һәрәкәтдә билдирибдир ки, Иран халгына гаршы санксијаларын ләғвинин әлејһинә чыхаҹаг.
Мәктубда сионист режимлә бир истигамәтдә һәрәкәт едән бәзи америкалы рәсмиләрин һәмишәки иттиһамларынын тәкрар едилмәсилә иддиа олунубдур ки, Ирана гаршы санксијаларын ҝөтүрүлмәси Теһранын бүтүн фәалијјәтләринә, о сырадан нүвә програмы, ракет габилијјәтләри, силаһларын чохалдылмасы вә бу өлкәнин саир сәбатсызлашдырыҹы фәалијјәтләринә бахылмадан һәјата кечирилмәмәлидир.
Американын биртәрәфли вә мәсулијјәтсиз шәкилдә нүвә анлашмасындан чыхмасы вә авропалы тәрәфләрин фәалијјәтсизлији Ираны Вјанада бир зәманәт вә разылашмаја наил олмаг нијјәтиндә олмаға әзмкар етди ки, гаршы тәрәфләрин васитәсилә нүвә анлашмасы өһдәликләринин һәр һансы формада позулмасы үчүн бир компенсасија нәзәрдә тутулмуш олсун.
342/
2 dekabr 2021 - 04:46
Xəbər kodu: 1204301
АБШ-ын дөвләт катиби Латвијанын пајтахты Ригада Инҝилтәрә, Алманија вә Франсанын хариҹи ишләр назирләрилә ҝөрүшүб вә онларла Иран вә диҝәр мәсәләләр әтрафында фикир мүбадиләси апарыб.
