Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Парсијан Дәниз Донанмасынын дәниз пијадалары гачагмалчылыг јолу илә јанаҹаг дашыјан хариҹи ҝәмини әлә кечириб.
Парсиан шәһәринин 412-ҹи Зүлфигар Һәрби Дәниз Гүввәләринин команданы, полковник “Әһмәд Һаҹыјан” дејиб: “Кәшфијјатын мониторинги вә ардыҹыл әмәлијјат нәтиҹәсиндә бу донанманын дәниз пијадалары өлкәмизин суларында 11 екипаждан ибарәт хариҹи ҝәмини әлә кечирә билиб."
О дејиб: “Бу ҝәмијә бахыш кечирилдикдән сонра 150 мин литрдән чох гачагмалчылыг јолу илә өлкәдән чыхардылмағына сәј ҝөстәрилән дизел ашкар едилиб вә онун бүтүн 11 хариҹи һејәти гануни просесдән кечмәк үчүн Парсиан шәһәринин јурисдиксијасына тәгдим едилиб.”
Парсиан шәһәринин 412-ҹи Зүлфигар Һәрби Дәниз Гүввәләринин командири дејиб: “412-ҹи Зүлфигар Һәрби Дәниз Гүввәләри өлкә игтисадијјатына дәстәк мәгсәдилә дәниздә истәнилән јанаҹаг гачагмалчылығы илә гәтијјәтлә мүбаризә апараҹаг.”
Гејд едәк ки, Иран Ислам Республикасында јанаҹаг мәһсулларынын бүтүн нөвләринин дүнјада ән уҹуз олдуғу үчүн бу енержинин ИИР-дан гачагмалчылыг јолу илә гоншу вә һәтта диҝәр гитә өлкәләринә апарылмасына ҹәһтләр ҝөстәрилир.
Диггәт: Хәбәрдән Истифадә Етдикдә Мәнбәјә Истинад Лазымдыр!
