АБНА24 Хәбәр Верир, Моһүн Пакајин бунунла бағлы нүфузлу Хәбәр-Онлине порталында јаздығы мәгаләдә билдириб ки, хошбәхтликдән, Иранын Јол вә Шәһәрсалма Назирлији тәрәфиндән мүвафиг тәлиматын верилмәси вә Иран јүк машынларынын Дағлыг Гарабағ бөлҝәсиндә һәрәкәтинин гадаған едилмәси вә даһа сонра ики иранлы јүк машыны сүрүҹүсүнүн бурахылмасынын ардынҹа өлкәләримиз арасында даһа јахшы вәзијјәт јараныб. Бу истигамәтдә ики өлкәнин хариҹи ишләр назирләри арасында бир нечә нөвбәдә данышыгларын апарылмас фикир ајрылыгларынын азалдылмасы вә ортаглыгларын ҝүҹләндирилмәси истигамәтиндә мүсбәт вә фајдалы аддымлар атылмышдыр ки, достлуг мүнасибәтләринин ҝүҹләндирулмәсинә ҝәтириб чыхара биләр.
Сабиг дипломатын фикринҹә, Иран вә Азәрбајҹан Республикасы арасында мүнасибәтләр мүхтәлиф дөврләрдә проблемлә үзләшсә дә, һеч вахт бөһрана дүшмәјиб вә ики өлкә рәсмиләринин ирадәси фикир ајрылыгларынын азалдылмасы вә анлашылмазлыгларын ағыллы шәкилдә арадан галдырылмасы илә нәтиҹәләнибдир. Бу арада һәр ики тәрәфин етимады ҝүҹләндирмәк үчүн давамлы сәјләри, ики өлкә арасында мүнасибәтләрин инкишафына гаршы чыхан өлкәләрин вә медианын тәсиринин нејтраллашдырылмасы, еләҹә дә мөвҹуд манеәләрин вә проблемләрин һәлли үчүн лазыми аддымларын атылмасы икитәрәфли әмәкдашлығы ҝүҹләндирмәк үчүн мүһүм јолдур.
Пакајин сонра јазыб: Шүһбәсиз ки, хариҹи ишләр назирләринин мүавинләринин иштиракы илә Сијаси Мәсләһәт Комитәсинин фәалијјәтә башламасы вә данышыгларын давам етдирилмәси фикир ајрылыгларыны азалтмагла јанашы, һәм дә игтисади, сәнаје, кәнд тәсәррүфаты, енержи, туризм вә тиҹарәт саһәләриндә әмәкдашлыға зәмин јарадаҹаг.
О, сонда ваҹиб бир мәгама диггәт чәкибдир ки, Иран Ислам Республикасынын Гарабағ мүһарибәсиндә Азәрбајҹан Республикасына сијаси, һәрби вә игтисади јардым ҝөстәрмәси вә онун әрази бүтөвлүјүнә вә өлкәнин бүтүн ишғал олунмуш әразиләринин азад едилмәсинә дәстәк вермәси ики халг арасында давамлы достлуг вә гардашлыг рәмзидир вә бу, ики өлкә тәрәфиндән һәмишә нәзәрә алынмалыдыр.
342/
11 noyabr 2021 - 16:20
Xəbər kodu: 1197701
Иран Ислам Республикасынын Азәрбајҹандакы кечмиш сәфири Теһран-Бакы әлагәләриндә јаранмыш анлашылмазлығын арадан галхмасына ҝөрә мәмнунлуг ифадә едиб.
