АБНА24 Хәбәр Верир, Сејид Ибраһим Рәиси ҹүмә ҝүнү ахшам Әрдәбил вилајәтиндә елиталар, дин алимләри, шәһид аиләләри, мүһарибә ветеранлары вә бир сыра диҝәр инсанларла ҝөрүшдә дејиб: "Һөкумәт вилајәтләрдә елм, технолоҝија вә елм тәмәлли ширкәтләрин инкишафына ҹидди шәкилдә тәкид едир вә инанырыг ки, Әрдәбил вилајәтиндә сәнаје вә кәнд тәсәррүфаты саһәсиндә елм тәмәлли ширкәтләрин фәалијјәтинин дәстәкләнмәси чохлу әлавә дәјәр ҝәтирә биләр".
Рәиси Әрдәбил вилајәтиндә туризм сәнајесинин инкишафы үчүн мөвҹуд потенсиаллара тохунараг, дејиб: "Әрдәбил вилајәти бәнзәрсиз туристик ҹазибәләрә маликдир вә вилајәтин туризм игтисадијјатына диггәт, мәшғуллуг вә сәрвәт истеһсалы илә јанашы вилајәтин истеһсал вә игтисадијјат секторунда ҹанланмаја сәбәб ола биләр".
Иран Ислам Республикасынын президенти дәмир јолларынын инкишафыны туризм игтисадијјатынын чичәкләнмәси үчүн инфраструктур тәдбирләриндән бири һесаб едиб вә дејиб: "Әрдәбилин дәмир јолу лајиһәси алты илә истифадәјә верилмәли иди, амма тәәссүфлә илләрлә ҝеҹикиб вә бу ҝүн Әрдәбилин дәмир јолуна бахыш кечирәркән, рәсмиләрә вуғуладым ки, вилајәтин дәмир јолу ҹидди шәкилдә изләнилмәли вә гыса мүддәтдә истифадәјә верилмәлидир".
Рәиси Әрдәбил вилајәтиндә инвестисија гојулушунун артырылмасынын ваҹиблијинә диггәт чәкәрәк, әлавә едиб: "Бу вилајәт инвестисијаларын инкишафы үчүн лазым олан ҹазибәдарлыглара маликдир вә ики гат сәјлә вилајәтдә инвестисија просеси асанлашдырылмалыдыр".
342/
24 oktyabr 2021 - 08:34
Xəbər kodu: 1191628
Иран Ислам Республикасы президенти, һөкумәтин Әрдәбил вилајәтинин абадлығы вә инкишафы үчүн планларына тохунараг, дејиб: "Һөкумәт, вилајәтин кәнд тәсәррүфаты, туризм, рәгәмсал, јени технолоҝијалар вә елмә әсасланан саһәләрдә игтисади потенсиалыны активләшдирмәк әзминдәдир".
